ردتني الذكرى عليهـا ورديـت=وانا أحسب الايام فيني محتهـا
جتني طواريها وأنا داخل البيت=وفزيت والعين الكليلـه بكتهـا
ماكنها قفـت ولاكنـي أقفيـت=لاكن ظروف الوقت جتني وجتها
هذيـك والله غيرهـا ماتمنيـت=ياجيـرة الله ياكبـر منزلتـهـا
فيها لي الذكرى وفيني لها صيت=ترفع معزتهـا القديمـه بختهـا
لوقلت ناسيها حشى ماتناسيـت=وشلون ابنسى من فؤادي نحتها
في حبها لو أختفيـت وتخفيـت = بانت علومي والدموع أفضحتها
ردتني الذكرى عليها ورديت
( تقرير عن مشاركة مخالفة ) ، و الموجودة أسفل كل مشاركة .