يا مل عينٍ من الهوجاس سهرانـه= والموق عيا يهاب السهـر ويعيفـه
الشوق ملعون خيّر والغـلا عانـه= والهاجس يهيض لامن مرني طيفه
ياقبلت الشعـر لولـوّه ومرجانـه= ياول غلا ماش ما تكذب محاريفـه
شاعرك واللي على قلبه على السانه= رقيّت رجلي عشانك كل تشريفـه
القلب مافيه غيرك عـس ْ خدّانـه= ملكت قلبي وغيرك ما وصل ريفـه
على النقا والكتاب يبيـن عنوانـه= اذوب في ضحكته واعشق سواليفه
يا عاذلي لو تعذّل القلب ما خانـه= القلب فاطمْه عن هرجـة ملاقيفـه
سنه غيابك ونفسي منـك ضميانـه= الله واكبر على الوقت وصواديفـه
الفارس إن طاح قال العذر بحصانه= مايدري إن طاح تشفع له مواقيفـه
والحب لو غبت عني رافع ٍ شانـه= والا الهجر طالبك لا يطعنك سيفـه
غلاك مهما تسوي صعب نسيانـه= لا تخلي الوقت يلزمنا علـى كيفـه
برقك برق مير ما حولـت ودّانـه= مزون صيف ٍ تعدتنـي مغاريفـه
حياتي لا رحت والله مالهـا خانـه = لنّك ربيع الخفووق ولنتـه بصيفـه
سنه غيابك !
( تقرير عن مشاركة مخالفة ) ، و الموجودة أسفل كل مشاركة .