الإعلام زيف خدع هالناس=يلمعله شعار حيا الله
ماهمه الشعر والهوجاس=مصالح ويجامل عباد الله
مايفرق ألماس ولا نحاس=كلها سوى عنده ويالله
وضعهم مختلط منحاس=مشكله كبرى يعين الله
من الشعر بنكهم بفلاس=ويبون توفيقاً من الله
مافيه صدقاً مع الإحساس=يعني مافيه شين كذا لله
الشعر بعده بعد تكساس=عليهم وانا صادقاً والله
عروقهم ممحله يباس=الله يرويهم بماي الله
ولاسابحيناً ولاغطاس=وهذي السواليف ماشاء الله
من شعرهم مايطيب الراس=تصدع من هروج خلق الله
حروب كليب مع جساس=وهم إللي مامثلهم والله
الشعر ماهو كذا ياناس=وهبه إلهام إحساسٍ من الله
الشعر ماله منظمتاً وحراس=ومحكمة نقداً بدين الله
رايحاً روحت ابن ادباس=إللي رايحاً وأرجعه الله
ولاني جاحد مرهف الإحساس=وأتوب وأستغفر من الله
بيوته عذبه كما النسناس=عذباً لسانه وصح الله
الشعر يأعلامنا نبراس=ماهو مجامل لخلق الله
إبنوا الإعلام على ساس=للشاعر والحكي لله
فيكم ترى ماقطعنا الياس=وإللي ينير قلوبكم الله