هلا بالمنام اللـي يجيبـك بـلا ميعـاد=هلا قلتهـا يـا مشغـل ٍ كـل تفكيـري
هلا فيك فرحة طفل فـي جيـة الاعيـاد=هلا فيك ترحيب البـدو بـاول الخيـري
هلا .. وانت تستاهل هلا والهلا تنعـاد=عليك الف مرة ليت ما جاك تقصيـري
وانا يوم اهلي خابرك حلم وسـط رقـاد=اهلـي واجـر الآه مـن قـل تدبيـري
اهيجن حزن ايوه مـن عقبهـا فابعـاد=وانا خابر ان الحـال مافيـه تغييـري !
تذكرت عقب الحلـم يـوم الغـلا وقـاد=هذاك الزمان اللي تسـوق المعاذيـري
تسوق العذر فوق العذر والجفـا يـزداد=وانا اسوق رجلي يمكـم دوم تفسيـري
اجي كني موجّـه علـى يمتـك منقـاد=ولا كنك اللـي يـوم سببـت تكديـري
مدامك على كثر البطا منت بـي نشـاد=ومدام ان مسيارك من اسباب تدميري ..
علامك غديت بوسط حلمي علي معتـاد=علامك تزيد امن العنا فـي مشاويـري
عليه الله اكبر من زمن فوضوي ما فـاد=حرمني من النسيان من دون تبريـري
هلا وان نطقت ابها هلا حلم وسط رقـاد=مدام القدر وفقك مع واحـد ٍ غيـري !!
الحلم
( تقرير عن مشاركة مخالفة ) ، و الموجودة أسفل كل مشاركة .