.. || دلــــــــــيــــــل الألــحان للبحور الشعرية || .. بشكل جديد .. حصريا .. - الصفحة 2 - شبكة مجالس قبيلة العوازم الهوازنية

**منصور اللغوي** · 31-05-2008, 07:02 AM

.. أهلا بالشاعر أحمد سيف .. ردك جميل .. ولكن أنا أعتمدت على كتاب موجود عندي .. الدليل ان الموال الأول على الشيباني أو اللويحاني أننا لو أخذنا بيت نواف الله يرحمه و مشيناه على لحن حبيب .. راح نلقى اللحن مشى عليه .. وبعدين انا مشيت على تفعيلات والتفعيلات ثابتة في كلا البيتين [ مفاعيلن مفاعيلن مفاعيلن مفاعيلان .. مفاعيلن مفاعيلن مفاعيلن مفاعيلن ] .. أتمنى نشوف شعراء يعلقون على كلامنا .. ويعطيك العافية يا الغالي على التنبيه ..

**منصور اللغوي** · 31-05-2008, 07:48 AM

.. توضيح للي ما يشتغل عنده الملف الأول لحبيب .. البيت اللي قاله حبيب هو :
.. انا معطيني الله و العرب من بعضهم يعطون .. وانا مانيب تكسي عند خلق الله يكدونه ..

**أحـمـد سـيـف** · 31-05-2008, 09:57 AM

يعطيك العافيه اخوي منصور اللغوي على تقبلك للكلام بصدر رحب وانا أتأسف الاسف الشديد لأني كنت

قبل اشوي ماني مركز على البيت ولا على اللحن بس رجعت وسمعت اللحن وركزت على البيت وعرفت

ان اللحن يسقط على بحر الشيباني وانا اكرر اسفي لك يا اخوي منصور اللغوي لأن انا ما امشي على

التفعيلات امشي على الالحان واتمنى ان تتقبل اعتذاري

ولك خالص احترامي وتحياتي

ودمت بود

**منصور اللغوي** · 31-05-2008, 12:05 PM

.. والله يا اخوي انت غالي وشاعر مهم بالمنتدى والكل يحترمك .. وكلامك دليل على جمال روحك .. و مامن أسف يالغالي .. كلنا اخوان ومن منتدى واحد .. الله يعطيك العافية على التنبية اللي يدل على حبك وحرصك على أخوانك اللي يبون يتعلمون من الموضوع .. مشكور ولا هنت يالغالي ..

أخوك منصور اللغوي ..

**فهد عوض البريكي** · 31-05-2008, 07:55 PM

أخي اللغوي هذا اللحن لحن يركب على الحدا ويركب على بحر ثاني بس ماعرف اسمه

بس بعطيك بيت من هالبحر : اللي هو :

على ذاك الطريق اللي يسمونه غرام أحباب --- وطت رجلي على دربه ولادري وش نوى فيني

لحامد زيد والحد هالبيت هذ1 لمحمد مريبد :

عن أذنكم يالجنة التحكيم واغبط ياغبيط --- الذيب ماهرول عبث والعلم ياصل منتهاه

**فيصل بن عويمر العازمي** · 31-05-2008, 09:22 PM

كما قال الاخ فهد عوض

اللويحاني والحدا فـ هالطرق ماشي عليهم ومايميز الاختلاف الا القليل

والطواريق واجد وهناك اسهل من هالطرق على نفس البحر

تقبل مروري

**محمد العزران** · 01-06-2008, 03:30 AM

الله يجزاكم خير ويبارك فيكم
وانا اللي اعرفه ان اللويحاني والشيباني طريقة شيله وجرة لحن اشتهر فيها اللويحاني او الشيباني
وصار الشيلات والجرات تعرف بساميهم
والا الوزن واحد وناس يسمونه باكثر من اسم
لكن تبقى الاساس على الشاعر انه يضبط تركيب الوزن اكثر من حفظ اساميها
وهذا والله اعلم

**منصور اللغوي** · 02-06-2008, 04:53 AM

.. السلام عليكم ..

الآن نصل إلى بحر الصخري ..
لدي ثلاث الحان له .. :

المــلف الأول [ طلق بن زاروط ]
المــلف الثاني [ تركي الميزاني ]
المــلف الثالث [ ناصر الفراعنة ]

على فكرة كل ملف خليت فيه نوعين من الملف
.. يعني صيغتين ..
عشان نتفادى مشكلة عدم تشغيل الملف
صيغة mov
وصيغة 3gp
.. الصيغة الثانية
صيغة الجوالات ..
.. انتظرو الرد القادم مع
بحر جديد ..

**فيصل بن عويمر العازمي** · 02-06-2008, 06:36 AM

الله يعطيك العافيه

ولا صيغه عندي شغاله

مادري البلا من منو

تحياتي لك

**عبدالرحمن بن عويمر الملعبي** · 02-06-2008, 03:51 PM

حتى انا مدري علامه ما يشتغل؟؟؟