[size="4"[/size]
بسم الله الرحمن الرحيم
أخواني واخواتي رواد منتدى قبيله العوازم
اخوكم الاصغر بدر ابن فهد السمي البقمي
له موقف حصل قبل قرابه الشهرين حيث حضر لي شخص
لا اعرفه في محل يخصني لتاجير المخيمات بمحافظة النعيرية
وقال اريد شراء خيمه فاريته الخيام ولم تعجبه
قلت هل تريد خيمه على القيمة قال نعم فاخذته الى عده خيام
من النمران والصباح فقال لي هذه خيام غاليه ولا تصلح لما اريد
وقام يحدث صاحبه الذي معه قال بان هذه الخيام تصلح لسبت النار
والطلي معلق والذود فالمفلى وحليب الخلفات عندك
قلت له يا اللحيه الغانمه على بالطلاق من مجالس الرجال وشرب
الفنجال انك ما تروح الا تعشى عندي او توعدني وتجيني
قال اشهد بالله قلت والله لو انك من سلايل اسرائيل وتبي هذي لعطيك اياها
ضحك وقال من تعرف من العوازم هنا قلت كلهم اعرفهم قال تعرف بداح ابن حبيب
قلت بداح لو ابى ثوبة اللى يلبسه اخذته اخوي قغال الخبر عنده واخذت اسمه
عبدالله ابن ماطر العازمي وطول ما رد خبر وقلت بسوي ابيات عساها
تجي قصيده وسويت هذه الابيات عسى تنال اعجابكم
بدر جزل المعاني جره اللحاني والثمينه لنا قدام ندعيها
يوم بداح لا كلم ولا جاني في وعودآ لها مده مخليها
الصهاره نساها من تعداني وبارده ما نقدمها لراعيها
مير رد الخبر للي تناساني والرساله على شاني توديها
قل لابو ماطر ان الرد فالشاني والمجالس تطيب بطيب لافيها
يوم خاويت فالعربان عرباني للعوازم تدله من يخاويها
لو بعد المفاخر يتعب لساني والسوالف مجيده وانت تدريها
ابن مشهور نار وكب الاوطاني والدهانه تضد اللى يعاديها
والنقيره وعايش والكريباني مات هابس بيمناهم ووراميها
وأخر القول تدري وين عنواني بشروني بجيتكم وأغنيها
)وردعلى رفيقي بداح حبيب العازمي بهذه الابيات (
مرحبا عد وبلٍٍ هل وداني فالرساله ومعناها وراعيها
مرحبا والقصيد ليا تنصاني أجتهد فالبيوت اللى أسويها
حشمه لمن بدع قافه على شاني صفها لين زانت له معانيها
ويا بدر واصلك كان الله احياني معرفه ربعنا الغالين نشريها
بقميّ فعوله عبر الازماني قصه قبلي التاريخ راويها
نزحو عن وطنهم جيش عثماني والجيوش الكبيره من يلاقيها
تعنزو بالولى خطلان الايماني عيشه الذل ما احد رضى فيها
يوم حمي الوطيس بواد ريحاني أشهب الموت ما ردا هقاويها
لين عن ورد دجنه كل قوماني أعذر من المياه ومن مضاميها
عزوة من نواها راح خسراني طيبهم بأول الدنيا وتاليها
ويا بدر كان ربي عان وأحياني هالسنه واصلك بأقرب لياليها
وسلامتكم
تقبلو مني كل الود والتقدير والاحترام
((( أخوكم الاصغر /// بدر ابن فهد السمي البقمي )))