قصيدة قالها اخي هب الريح شاعر بني خالد في ابناء قبيلة العوازم ارجو ان تحوز على رضاكم وسامحونا على القصور
علم الرجال يبين عند اللوازم=والرجل رهن لما جنت يمناه
احدٍ على الطولات ربه يعينه=على دروب الخير والطيب يهداه
واحدٍ تردى يوم(ن) ابليس غره=على المخازي والعفان غواه
واستثني الوافين من علم الردى=اشبارهم يا طولها طولاه
اعني حرار مستمين العوازم=افعولهم لأهل الوفاء مشكاه
سراج يشع بنور في ظلمة الدجى=منهم مناعير بياض اجباه
منهم ابو محمد فلاح بن جامع=سليل مجد من عطا مجناه
المكرم الضيفان المجزل العطا=تجهل عطايا ايمنه يسراه
لو كان من بالعوازم ينتخي=لو انتخى بس بفلاح اكفاه
كل المراجل لأبن جامع تجمعت=العز والنخوه حاشها برداه
ومنهم ابو جابر طول الله عمره=ماله ابد بين البرايا اشباه
حرٍ قطامي من سلالة عازم=حاله وماله مصخيٍ والجاه
بحر العلوم لكل علمٍ حاوي=بشوش سمح ويمدحه من جاه
واذكر ابن هران صافي النيه=في كل علمٍ تزهمه تلقاه
لمن هرج يبدأ بضحكة سنّـه=بحر غزير ولا لحقت اقصاه
ولا نسيت القرم علي بن طرجم=حي الكريم الشهم وحي نباه
له خوةٍ ما شفتها في غيره=متواضعٍ ما غرته دنياه
مدحي لهم حقٍ ولا لي حاجه=الله مغنيني بمال وجاه
لا شك شاعر وعندي مبدأ=من طاب بي بالطيب لزم اجزاه
التوقيع - صقر الخوالد
شيوخ هبس اللي على الطيب ضارين = ربعي بني خالد مواريثها الطيب
عهد مضا والعز تاج ليا الحين=علمٍ وكاد بدون شكه ولاريب
وفعولنا تذكر من عصور وسنين= ويفخر به الصبيان ويفخربه الشيب
وحنا العرافا في عموم الميادين= نحرص على الطيب وفعل المواجيب
الاخوان العويدان وهمزة وصل والكويت
اشكركم على تشريفنا بالمرور على هذه القصيدة وما يمندح الا من يستاهل المدح والعوازم يستاهلون الخير الله لايقطعنا منهم اخوانا .
التوقيع - صقر الخوالد
شيوخ هبس اللي على الطيب ضارين = ربعي بني خالد مواريثها الطيب
عهد مضا والعز تاج ليا الحين=علمٍ وكاد بدون شكه ولاريب
وفعولنا تذكر من عصور وسنين= ويفخر به الصبيان ويفخربه الشيب
وحنا العرافا في عموم الميادين= نحرص على الطيب وفعل المواجيب
من بالعوازم ينتخي
( تقرير عن مشاركة مخالفة ) ، و الموجودة أسفل كل مشاركة .