الشاعر :
** (( فهاد الجافور ))
*** نبذه عنه :
فهاد بن مطلق بن جافور العازمي
من فخذ الجواريه
ولد بـــ فريج العوازم سنة 1924 م
قال شاعرنا الشعر في سن مبكره
وقد اشتهر بــ فن القلطه
وذلك لسرعة بديهته اثناء المساجلات الشعريه
كما انه ايضا شاعر نضم
وقد أسهم شاعرنا في برامج ديوانية شعراء النبط
بالاذاعه والتلفزيون
كما ان شاعرنا له صله كبيره بالبحر
فقد كان له باع كبير في ركوب البحر
حيث كان غواصاَ لفتره طويله
(( 1 ))
بادين بالله اللي معتلي شانه = الله اللي جميع الناس يرجونه
ينصر اللي علينا عمة احسانه = من تسمو بديرتهم يعزونه
نسل سالم طويل الشبر واخوانه = فعلهم كل خلق الله يشوفونه
يا الله اليوم تكسر عز عدوانه = دم بعزه وذل الله يعادونه
البلد كل شيبانه وشبانه = حاضرين وحدر امره يطيعونه
مرخصين العمار وضد عدوانه = يفرح الشيخ والعايل يردونه
دارنا تهتني بالعز طربانه = الصباح البلد حماية اركونه
كان شب الشعار وثار دخانه = تظهر الدوله اللي مابها خونه
ابو سالم فزع له نسل جدانه = يوم كل طلب من صاحبه عونه
الملك دز قواته على شانه = قوةٍ من فزع فيهم يسرونه
حي هالوجه يافازع لجيرانه = مسقي السم كبد اللي يعادونه
(( 2 ))
يا الله نبغى منك عانيت مدد = يوم الحرايب دخنن اشعارها
من عز والي العرش ماعنده بحد = عنه اليماني يقصرن اشبارها
عز الامير وعز رايات البلد = وعز الصباح اكبارها وصغارها
اللي تعرضهم تعرضه النكد = خسارته مايرتفع قبارها
الشيخ يامرنا على الراي إعتمد = والشعب دون إبلادنا واعمارها
ابشر بقومٍ مايغيب إلها سعد = ترخص بغالي الروح دون إديارها
إلبا إستوى حس الفشق مثل الرعد = نحمي بلدنا من عدو زارها
(( 3 ))
ياعلي تله مع الطاروق تله = جازلي ممشاه يا الوجه الفليحي
عطه الاميه لا تجيب اقصاه كله = انت رجال على المطلب صحيحي
قضبت السكان اشوفه جايز له = موتره من زين سوقه مستريحي
الخوي اللي بصفه مايمله = الولد ماهو قاصر هاب ريحي
يا الله انك تمنعه من كل عله = عاش من قوّى إعزومي في مطيحي
يابغيت الدرب قال الدرب ادله = اطلب الله لا ترجى للشحيحي
(( 4 ))
يا الله يا اللي كل حيٍ يسيله = ياعالم غيب الامور الخفيات
تفرج لمنهو ساهرٍ طول ليله = مليت من ربعة ردي المروات
من الردى ياربعنا حط حيله = من شين طبعه حط دفتر وكتبات
هو يحسبن الرزق يوخذ بحيله = الرزق مايوخذ بنطحه وقوات
الرزق بيد اللي ينشي المخيله = جزل العطا رفاع سبع السماوات
اطلب من المولى عسى الله يزيله = اللي تنحرنا بحنه وصيحات
فلا هلا باللي علومه رزيله = من طاح حوشله شتايم وغيضات
سعود تاه وضيع الله دليله = مال الخوي عنده معزه وحشمات
دايم يصايح مثل شروى سحيله = يا اونس خويه باشره بالرزالات
حط الردى والربربه له نحيله = الله لا يرحمك يا هين الذات
وجدر العزاله دايم يستويله = إمصلح عمره ولافيه غفلات
يابعد عنه المرجله والنفيله = عنه المراجل بعد ضلعات ابانات
الجنس هين والمعرفه قليله = يااونس خويه قال صيده عيارات
(( 5 ))
يا حي هالشوف من شوفه تناجيبي = لا يا بعد شوف هيرٍ فتر اعظامي
ريحة هواها ليا ذعذع كما الطيبي = يجذب هوى الريح ريحة ترف الاقدامي
مدهال حسن النبا زين التعاجيبي = عساني القاه في منزاله العامي
(( 6 ))
نوخذه هب كوس منوتن للمعلّي = كل من كان قلبه مثل قلبي يشوقه
تو ماصار يا الممدوح للعود حلي = ابذل الطيب فينا خل نفعك نذوقه
يا (( محمد )) حشى من خوتك مانملي = خوتك ياعزيز الجار عندي إشفوقه
خل عنا نواخذة التحوس تولي = لين ربي صفط للعبد زيّن اوفوقه
** محمد هو : النوخذه محمد بن دعيج رحمه الله
(( 7 ))
يا الله يا الوالي اللي تخضر الريضان = تفرج لقلب من الافراق مشطوني
ماودي ابدي سريرتنا على العربان = وفرقا لطيف الحشا بيح بمكنوني
يازين خدٍ سكنها مدمج السيقان = ياليتني عندهم والرزق مضموني
بالقيض يسكن عن اللاهوب بالليوان = وان جا الشتا في حسين الدور مكنوني
ابجتهد وبرخص غالي الاثمان = ياكود حظي يحوشه وامري ايهوني
يارب تجمع بشملي يارفيع الشان = مع زين الاوصاف كود اتهوّد اشطوني
ماساعفت في عشيري والدهر خوان = الناس عن صاحبي عيوا يسلوني
(( 8 ))
مرحبا بالهبوب اللي تمر الخدين = ليتها وصلت من ريف قلبي سلام
واشقا القلب عقب افراق صافي الجبين = آه لا عود الله بعد زاهي الوشام
نشت الحال من فرقاه يامسلمين = ماتهنيت عقبه في لذيذ المنام
بالبحر سهمتي وياه في كل حين = ياصفيتم لنا قلت العذارى حرام
مانسيت الصديق اللي كلامه حسين = ابوجديل ليا كده تعدى الحزام
والثنايا تشابه القماش الشرين = وخدها مثل براق بالليال الظلام
ياهوى القلب لوكم بحالنا عارفين = كان قل تم جميع الذخر عنكم حرام
لاتطاوع بنا حكي العدو المبين = يا اريش العين كثر الدق فك اللحام
(( 9 ))
سلط على الحلم ياشينه = هذاري الليل خوانه
يازين زولٍ موافينه = واليوم يابعد خدانه
زول اثقال موازينه = ابترخص على شانه
زمان اقرب مغيضينه = شفقان والترف حمقانه
حسيت الاقبال مغلينه = ولاهمني حكي عدوانه
ليا زعل غيضته زينه = اجيه ويروح شيطانه
( 10 )
يابن حمد مرقد الشنباك ماليبه = مابي البحر مير هذي قسمة الوالي
شفي على اللي نهوده رفعن جيبه =إليا حصل في رضاهم يرخص الغالي
عليه قلبي يفرنه دواليبه = داون ببحر الهوى مع سمح الاقبالي
إليا عرضني بحلم النوم اهذريبه = واثري لهذاري على اهل الحب الاقبالي
ياقلت أبدله إحلوم الليل تدنيبه = واصبح حرين الضماير ضايقن بالي
أطلب من الله يعل الحظ يرمبيه= عسى حسين النبا يصير بحبالي
انا أتحرى الخبر سالم يجينيبه = بدنات عبري يكز الخط بالحالي
تسير حالي ياجتني مكاتيبه= ووصول خطه ليا جاني نعش حالي
ياكاتب اكتب جوابي عقب هالغيبه = للصاحب اللي لنا ما ذز مرسالي
وقله عشيرك بخير ومعجبه سيبه= بس يتمنى وطنكم عقب هالحالي
( 11 )
عسى الكريم لدعوتي يستجيبي = يالله يا عالم خفيات الاسرار
تلم شملي مع أعيون الربيبي= = اللي صطمني حبها والغلا حار
توني شباب وبان بالراس شيبي= عليه قلبي يقرع قراعة الطار
يا المسلمين الحب ماله طبيبي= أباصله قبل اتعرض للاخطار
ترف القدم منها صوابي عطيبي = في خاطري زينه مع الناس ما دار
الردف شط إحوار بأرض عشيبي = هجلن على امه في عذيات الاقفار
والعنق عنق الادمي المستريبي = وخدن كما برق الدجي يجهر اجهار
ياشافها راعي الهوى يستصيبي= يقول وش هاللي مع الناس ماصار
اسهر طوال الليل واقنب قنيبي= على مضنت خاطري شمعة الدار
هذا وهو توه غشيم(ن) طليبي= الله يعين ليا تبلق بالافكار
ما من صديق لي سلامه يجيبي= ومني يوصل زين الاوصاف بأخبار
قلت اتقتر كود اشوف النصيبي= ووقف كما السائل على الباب طرار
مير اتقصر من صديقي وأديبي= أذل من هرجة رديين الانظار
قالوا تذل ماتوصله قلت عيبي = انا جزومي يا قطعين الاظهار
لاشك مرضا بالخمال لحبيبي = أذل من هرجن يطوله وهو غار
ان ودني ماهو علينا صعيبي = لابد من فكات والوقت غدار
( 12 )
يانوخذه عنك المراجل بعيده = الطيب ياوجه الدجاجه لهاليه
الطيب دربه كايد(ن)ماتحيده = والربربه سهمة فؤادك وطاريه
امدحك بالشعري وقرص الحديده= وجدر العزاله بالعماله تسويه
والحنه اللي كل يوم(ن) جديده= شيبت وانت إلسانك إبليس مغويه
اما الردى تسند على الدرب سيده= والا الصخا والجود مخطي مجاريه
ليا اونس خويك قلت عيار صيده = تأدبه كنك من السوق شاريه
إكثر الحنه وهي ماتفيده= إلسان و الا المرجله تقصر ايديه
عسى الذي برضاه تسجد عبيده = يقدر عليه انه عن الخد يخفيه
( 13 )
البارحه طار الكرى عن إعيوني = من سبة الهاجوس دمعي كساني
طار(ن) طرالي وقف النوم دوني = وعزم علي من الرقاد يحماني
أمشي دبوبن والفؤاد محزوني = والناس ماتدري على اللي طواني
مدمن بهامي من تكضم إسنوني = ليا طرتلي غربتي هالزماني
يا سعود شاورت الصديق ونهوني = وعصيتهم يومن ما الله هداني
وادعت حباني وهم وادعوني = وصارت لي الغربه عقايب زماني
يهون كل امر(ن) وهو ما يهوني = فرقا الجماعه والولد والخواني
أظنهم في غيبتي يحسبوني = دلهت وانا ذكرهم في لساني
اكتب مكاتيب(ن) ولاواصلوني= ومبين(ن) في كل خط مكاني
انا اتحرى خطهم وهجروني = ولا هو من الاهل والعواني
واليوم ما نكتب ولا يكتبوني = ترا وعدنا الدايره برمضاني
ولا السنه هذي مجيي إطنوني = نشبت روحي والامور اتخفاني
( 14 )
البارحه يصخف عدوي نحيبي= أبكي خفى والدمع مالي ثيابي
بلاي همن صابني يا شبيبي= من يوم فارقنا مليح العذابي
الناس هجاع(ن) وانا مصتصيبي= أطوح الونات محدن درابي
بغيت اشق من التفايج جيبي = حتى التراب اللي قعدنا جزابي
بلاي من راعي الكلام اللبيبي= جاني وجيته وقفتة بنقلابي
إن جيت ناويهم بنو الحريبي= راح الزعل عني وصرنا اصحابي
لطف الحشا من شوفتي يستريبي= الناس عدواني لقص الشبابي
ودي أجيه بساعتن ما دريبي = أخذ جوابه ثم يأخذ جوابي
يعطيني المجمول علمن يطيبي= ويصير خلي للكلام متصابي
جرى نقل جميع هذه القصائد من :
ديوان (( صدى الماضي ))
طبعه سنه 1988 م
للمؤلف : (( مطلق فهاد الجافور ))
(( ديوان الشاعر : فهاد بن جافور )) رحمه الله
( تقرير عن مشاركة مخالفة ) ، و الموجودة أسفل كل مشاركة .