ياصاحبي ياللي تنشد عـن الحـال=بشرح لك الواقع وابعطيـك تقريـر
الوقت وصلني على حـروه اهبـال=استغفر الله عـن كثيـر التفاكيـر
ضاقت علي ثم انحدر دمعي وسـال=ياصاحبي هـذي سـوات المقاديـر
((والشجره اللي هاقين حدرها ضـلال))=((عيت لاتثبت في هبوب المعاصيـر))
ياصاحبي ماكـل ماشيـف ينقـال=((بعض البشر حقايقه تعكس السيـر ))
ولاكل من يلبس له اشماغ واعقـال=لحتجت له يصبح زبون المناعيـر
ماعمهم فيهـم كريميـن وارجـال=اهل الوفـا ماحسبـوا للمخاسيـر
والعذر بالتقصير ماقصـدي اهمـال=واوعدك لزانت لسـوق التباشيـر
مازال لي بصمه على طيب الافعـال=وصديت عنك بصده اختامها خيـر
الوقت فيه ارجالن اقـروم وانـذال=وفيه اللذي همـه بجمـع الدنانيـر
ياعل يفهم مقصـدي طيـب الفـال=بروح واسمحلي ليا صـار تقصيـر
ذكرى الاخوه راح مع ذكر الابطـال=واضرب مثل واضح على سالم الزير