بسم الله الرحمن الرحيم
** نبذه تعريفيه :
الاسـم : خـالـد مطلـق الحـضــينة
- مدرس في وزارة التربية ثـم مدرسـا أول ثـم وكيلا ثـم ناظـرا في المرحلـة الثانويـة حتى التقاعـد العام الدراسي 2004/2005
- عضـو مجلس إدارة جمعية سلوى التعاونية وممثلها لدى اتحاد الجمعيات التعاونية 1991 /1994
- عضو المجلس التنفيذي لاتحاد الجمعيات التعاونية ورئيس اللجنة المالية 1991 / 1994
- عضـو مجلـس إدارة الهيئة العامة لشـئون الزراعة والثروة السمكية 2006 / 2009
المؤهل العلمـي :
- دبلوم معهد التربية للمعلمين 1976
- ليسـانـس تربـية - تخصص تاريـخ - كلية التربية - جامعة الكويت 1986
** القصائد :
(( 1 ))
نظمـت هـذه القصيدة اثنـاء الغـزو العراقـي الغـاشـم سنة 1990
علـى دولتنـا الحبيبـة وذلـك خـلال وجـودنـا في المملكـة العربيـة السعوديـة .
متى نعود لوطنا
مـتى يـابـو مـبـارك نـعــود لـوطـنـا = مـتى الله يجمـع شملنا وسـط الأوطان
مـتى علـى وربـــه يــرفـرف علـمـنـا = مـتى تباشـير الـفــرح تـمـح الأحـزان
مـتى بــلى صــــدام يـــنزاح عـنــا = ومـتى نـشــوف الـسـالـمية وكــيـفـان
يـا شـيخـنـا حــنـا علـى العـهــد حـنـا = الشـعب كـلــه مـا لـقــوا فـيـه خـــوان
نفــنى ولا نـرضــى سـواك يحكـمنـا = آل الصـبـاح شـيوخـنا عــبر الأزمــان
وحــنــا زبــنــا يــــوم حـــنــا زبـنـــا = دار الفـهـــود اللـي ســلايـل كحـيــلان
دوى الـفـهــد وأكـــد عـهــد مـا يثـنـا = وأكـــــده عــبـدالله وأكـــــده سـلـطـان
يــقـــول والله يالـعــــدو مـا تـهــنــــا = بحـكـم الكـويــت ولا تـهـنـا بـدســمان
أهـل الكـويت أهـــل الجـزيـرة ومـنــا = والله مـا نــرضــى عـليــهـم بحـقــران
وعيـسى وابـن ثـانـي وزايــد حـضـنا = وقـابـوس رحـب يــوم جـيناه بعـمـان
كــل الخـليـج اعـلـن وللحـرب غــنــا = حرب الغضب ترجف كما رجف بركان
صــــدام حــنـا عـلـيـك أكــتـمـلــنـا = والــدار تـرجــع كـلهـا دون نـقـصــان
خـالـد الحـضـيـنـة
10 / 1990
(( 2 ))
أرسلت هذه القصيـدة للأخ والصـديق العـزيـز مسـلم البحـيري وقـد ذيلـت بعبارة ( أخ يكـن لك اسمي آيـات التقـديـر ) وكـان القصـد من ذلـك الممـازحـة ومحـاولـة الحصـول على رد يضـع فيـه الأخ مسـلم أفضـل مـا تحـويـه قريحته الشعرية الممـيزة ، وبالفعـل اخـرج لنا أبـو حميـد رده في قصيدته الرائعة المسماة ( صـافي سـحايبة ) .
وهـذه القصيـدة التي ارسـلـت لابـو حميـد بتـاريــخ 20-11-1978 والمسماة ( يقول من نفسـه) .
يقــول مــن نفســه
يقـول مـن نفـسه عـن الـزاد طايـبـة = والقلـب مـن مصـاب الأيـام صـايبـــه
يفـز مـن نـومـه ويســرح بيـقـظـتـه = حـالــه سـقـيمن والمعـاليـق ذايـبــه
ذا لـه حسـاب أيـام ما اسـتر خاطـره = ومـن الـردى عـيـت تـفيـده طبـايـبــه
ياحـامـل المرسـال وده ...مـسـلـم = شــجاع ربـعـه مـنه الأسـباع هـايبـه
بلـغ سـلامي لـــه وخـصــه تحـيــتي = واحـرص بردالقيل من عالـي جلايبه
قـلـه سـبايب عـلـتي يا صـاح واحـــد = طـفـلن شــقى قـلـبي وزيـد مصايبه
طــفـلن يـفـل الراس بالـزين كـامـــل = يـا مــا عــفـى هـلـت عـلـيـنـا ذوايبــه
الجـادل اللـي بـين الأضـلاع صـابني = ليـتـه قريـبن لــي وانــا مـن قـرايـبـه
اليـوم يامسلـم بـــدى الـيـاس دونــه = مدرى شجرى وش غيره في حبايبـه
اصـبح عـنيـــدن مـا يــــود التـحـــدث = مـع الــذي ينـــثر ادمـوعــه سـبايبــه
ياكيف يامسلم نسـى مـا مضـى لـنـا = حبــل الوصـل جــره وقطـع نصـايبــه
كـل السبل في كامـل الزين قصــرت = يـابــو حـمـيـد يـا مـعــرب عـــرايبـــه
والـيوم شــورك يامـسـلـم بحـالــتي = حـيـثــك عـريفـن بالغـــرام ودرايبـــه
عــجــل عـلــي وقـــل راين مــبــارك = يقــول من نفسـه عـن الــزاد طـايبـه
رد الأخ العـزيـز مسـلـم البحـيري( ابو حميـد ) بقصـيدته الرائـعـة المسماه ( صـافـي سـحـايبــة ) ، وقـد نشـرت القصـيدتين فـي مجـلـة الـنـهـضــة عـام 1979 في صـفحـة لـوحـات شـعبيـة وقـد كـان ابو حميد يعـدهـا فـي ذلـك الوقـت .
صـافـي سـحـايبــة
اهـلـن عـدد مـا هـل صافى سحايبـه = اوعـد مـا تـشرب مـن الماء تــرايبــه
في خط من شارك ضميرى ضمايـره = لــين ان نــاره صرهـدتـنى لـهـايبـه
لو كـان مابينـت حـرفن مـن اسـمكم = حـقن على المطلوب يـوفى طلايبـه
ساعة قريت الخط هاجت بـضامـرى = أذكــار وقــتن مــانــسـينا عـجـايبــه
هجسن يـودينى وهجسن يـجيـبـنى = وهجسن اليا قفـى يـجى ذاك نايبــه
ياشيت وشسويت فى ضامرى الذي = نـفسـه عـن الطاروق والـغـى تايبــه
هيجت لك بحـرن من الـعـام مـستقر = وارجـف ضمـيرن عـنـه الامثال غايبــه
واحييت لـك ذكـرى مـن الـعـام مـيته = وانعشت لك روحن من البين شايبــه
وطـيرت عن عينى حـلا النوم واعلنت = حــربن على الراحـات تفــجع نـكايبــه
حـقـيـقـه ان الـهـرج مـفـتاح ماخـفـى = ومـن زان مـنـضـوحـه تـقـدر جـنـايبــه
عرفـت مـطلـوبـك وغـايـات خـاطـرك = بأسباب ما وضـحـت لى في كـتايبــه
تشكى عـنودن خـالى القلب عقـبها = يبـسـت بسـاتـيـنـه ونــشت قــلايبــه
تـقـول يـا مسلم نسى ما مـضى لنـا = وحـبـل الوصـل جـره وقـطـع نـصـايبــه
عنـدى خـبر فرقى من اغـليـت كـايده = وعـندك خــبر رجـواك مـاهـيب ثــايبــه
من صـد من نفسـه بـلا ذنب او سبب = اعـرف علـى غــيرك يــورد ركــايبــه
انـظر لشمـس الصـبح لــويـن تـتـجـه = لــو شعـشعـت بالـنـور لابـــد غـايبــه
مــا دام للمـخـلـوق راحــات خـاطــره = ولــولا المـصـايـب مـاعـرفـنـا نـجـايبــه
خـلـه على عـميـاه يطـرخ بـمـا لـقـى = الله كـريــم وحـكـمـتـة فــى عـقــايبــه
ودور وتـلـقــى مـن يـقــدرك جــانـبـه = غــرون يـسلـى خـاطـرك فى لـعـايبــه
بــالـخــل خــلانـن وبـالاديــار ديـــرة = وبـالـجــار جـيرانـن وبـالـبيـض صـايبــه
وشورى عليك النفس تـمشى بعزها = وتـحـمــد ولـــين مــاتـعـــدد وهـــايبــه
ويـكفيـك عـن عرفى مقاديــم جابتي = ارجـف ضـمـيرن عـنـه الامـثـال غـايبــه
لـوكان مـابـيـنت حـرفـن من اسمـكم = اهـلـن عــدد مـا هـل صـافى سـحايبــه
بعـد ان وصـلـني رد الاخ العزيز ابو حميـد ارسـلـت اليـه هـذة القصـيـدة اوافقـة القول فمـا ابـداه مـن نصـائح فـي قصـيدته واذكـر لـه اسـمي عـبر بيـوت هـذة القصـيـدة .
(( إســـــمــي ))
اهـلـن عــدد مـا هـــل وبـلــن حـقـوقــي = واعـــداد مــا بـالكـــون لـــون الـزراقــــي
بالـلــي لـفـانـــي مـنـه ردن صــدوقــــي = عــزيـز مـن ربـعـــن كـرامـن صـداقــــي
مـا قـلــت يا مـسـلـم لحــالـي يـلـوقـــي = في حــق مجـمـولــن درقــني ادراقــــي
يـا دانــــة الـبـحـــار تـعـرض بســـوقـــي = وان سـامهـا الشــراي بالــزود ســاقــي
بـــرق بحـالــي دوك نـشــت اعــروقـــي = صـبري نـفــذ والـقـلــب زاد احــتراقـــــي
يـــوم العـسـل ريــقــك وحـنـا نــذوقـــي = واليـوم ريـقــك صـــار مــــر الـمـذاقــــي
هذي حقـوقـك وانـت عـطـني حـقـوقــي = النفـس طـابـت منـك حـــل الـفـراقـــي
هـــب الشــمـال وراح والـيـوم دوقــــــي = مـركــب غـرامــي ينـتـظــر باشـتـياقـــي
بـنـجـدد الصـفـحـة وشــوقـن بشـوقـــي = الله كـــريـــم ومــن يــــدور يــلاقـــــــي
وان صرت يامسلم على اسمي شفوقي = اسـمي ثــلاث حـروف وألـفــن ادقـاقــي
مـاريــة اول حــرف نقـطـتــه فــوقـــــي = ثـالـث ثـــلاث حـــروف فـيهــن تـلاقـــــي
ونـصـفــه لـــدد يـا صـاح لاجـاك عـوقـــي = شـــل آخـــر حــروفــه وتـلـقــاه بــاقـــي
واســم الابــو يـعـلـمـه ربـن خــلـوقــــي = ابـغــض حـــلال الله فـعــل الطــلاقـــي
وصـــلاة ربــي عـــد نــــور الـبروقــــــــي = عـلـى الـنــبي واعــداد فـانــي وبـاقـــي
خـالـد الحضينــة
يـوم الخميــس الموافـق 3 | 5 | 1979
(( 3 ))
محاورة بين الأخ الشاعر محمد زيد الشتلي والشاعر خالد الحضينة
(( الـكـنـكـــورد ))
الله عـلى اللي تـقـطـع الجــو بـشــوّي = مـتشـاركــن فــي صـنـعـهـا دولـتـيــني
ومصـممـن مـن شـانهـا خــط جـــوّي = تســبق سـريـع الصــوت لـلي فـطيـني
اليـا ارتفـع يــم الخـضيرا لـه اشــوّي = فـي ظـرف سـاعة عـنـد دارالحضيني
نـبي عـليهـا نـرســل الخـط مـطــوّي = للــي يعـــرف الـهــرج لــو بالرطـيني
ابـو ولـيـد الـلـي بــه الطـيـب يحـــوّي = مــا يـبـتـلـــش بالـــرد ذرب الـيـمـيــني
حـيـثــه فـهـيــم وللـتـمـاثـيــل يـهــوّي = قـــافــــه عـــريـب ودوم ردة ثــمـيــني
ودي اعـــبرلـك عـــن الحـــال واروّي = يـومــن هاض القلـب واسـهرت عـيـني
يـابـو ولـيــد الـقـلــب للـــدار يـنــــوّي = صــابــه علـى دار الاهــالــي حــنـيــني
القلـب كـنــــه بــين الاضـلاع مـلـــوّي = يشـكـي عـليـك الحـــال بـيـنـك وبـيـــني
غـريــب دار وكــنــه الـيـوم مـكــــوّي = مــا هـمـــه الـلــي يلـبـســن الـبـكـيــني
هـمـه اخـديدن في دحى الليل يضــوّي = سـيد العــذارى ريــف قـلــبي حـزيــني
ابـو جـديـلـن فــوق الامـتـان محـــوّي = هـــذاك يشــــفي يالـسـنـافـي ونــيـــني
محمـد زيـد الشـتلــي
رد الشاعر : خالد الحضينه على قصيدة الشاعر محمد زيد الشتلي المسماة الكنكورد
(( الـمـكــــوك ))
ارسـلـت لـي يـازيـد خـطـن على الـوّي = واسـهـرتـني يــوم العـــرب نـايمـيـني
قـمـت اتـفكـــر حـايـرن ويـش اســـوّي = محـتـار انـا مـا بـين زيـنن وشـيـــنـي
بحــر الشـعـر جــيتـه ودلــيـت دلـــوّي = يـالله عسـى حـظــي من القيـل زيـنـي
وحـثـيت انـا ريـغـان فـي خــط مـطـوّي = يـرســل لــنــا الـمـكـــوك دقـيقـتـيـنـي
يحـمـل ويـترك بـالـفـضـاء ثـم يــدوّي = مـســافـة الـكـنـكـورد عـنده بحـيــنـي
يجـيـب لـي قـرمـن شـجـاعـن ويـهــوّي = يـدرس مـع الـلـي غــربــوا دارسـيـني
والـيـا لـفى شـبيـت بالبيــت ضـــوّي = يـطـيـب فالــه فـي خــروفـن سـمـيــني
لــو كــان انــا يـا زيــد قــلـبي شــقـاوّي = احـرص علـى مـا اقــول فـي كـلـمتيـني
بــالــك ودارك لاتـخـــيـب هــقــــــــاوّي = الـعـلـــم اول ثــــم غـــــيره يـهــيــنـي
يـا صـفــوا الـطـابـور مـرتـبـك عــلــوّي = تـفــوز يـا مـحـمــد مــع الـفـايــزيــني
وعـقـبـه سـهـالــه كــل مـا كــان تــنـوّي = نـبـنـبـذل الـمجـهــــود والله يـعـيـنـي
واصــــير دونـــك يــا مـحـمـــد فــــداوّي = لـــين ان ســيدك ريـف قـلـبـك يـلـيـنـي
ومـا جـاك يا محـمـد مـن الــقيـل عـفـوّي = واسـمـــح لـنـا يــا مــدهــــل الـطـيـبـني
خـالــد الـحـضـيـنـة
(( 4 ))
ردية بين الشاعر خـالـد الحـضـينة وابنـه احـمـد الذي يدرس في مصـر
(( الغربة ))
البارحـة خلت القمـر فـي مغـيبـة = يتبـع مغيبه غـرب في تالـي الليـل
وذكــرت مـن غــرب بديــرة غريبــة = اللي سعى للعلم في ديـرة النـيل
دارالعجايـب والغـصــون الرطـيـبـة = إغصـون تشرب ميـة النيـل وتميـل
عجيبتـن واطبــوع أهلـهـا عجـيـبـة = ناسـن يسمـون الحـمـام بزغاليـل
مشتاق له شوق الحبيـب لحبيبـه = مشتاق له بالحيل بالحيـل بالحيـل
أحمد عسى فال السعد من نصيبة = آمين يا منشـي المــزون الهماليـل
ياسـامعـن مشـي الدبيب بدبيــبـة = يا عالمـن غـيب الليـالـي المقابيـل
يالله يا محـصـي الخـلايـق تجـيـبـة = سـالم وغانــم والشهادة محاصيـل
رجـوى الغـلا عل الولي يستجيبة = والله يسـهل خــيرة الامـر تسهيل
يا احمــد تـرى فزعـات ربـك قريبـة = آمـين والله يمـهــل العمـر تمـهيـل
وابــوك وان وصـاك بالحـال أجـيبـة = اسـمع كلامــه واحفظـه بالتفاصيل
احـرص على صحـبة انفوس اديبــة = اهل الوفاء والطيب جيلن بـثر جيـل
صـاحبـك وان عـابــك ابــد لا تعـيـبـة = واليا عجـز بالشـيل عاونـه بالشـيل
وايـضـا اليــا غـابــك ابــد لا تغـيـبــة = احفظ لسانك عن خـنا القال والقيـل
خـلك مـع عسـر الليـالـي صحـيـبة = مثل البليهـي حمل أليفـه له يشيل
واليـا مشى درب الـردى وشـتبيبة = اتبــع اسلـوم المرجـلـه والرجاجيـل
واعرف تـرى طرد المقفـين خـيـبة = واللـــي يــــودك لاتبـــدلـه تبــديــل
واعـرف ترى ثقل الرجاحيـل هـيـبة = والا الطفاقـة مـن صــفات المهابيـل
خـلك علـى ما قـيل حـــرن نجـيبـة = احذر وراقب خطوتك واعـدل المـيـل
تمت وصلى الله على أحمـد حبيبة = صـفوت اعبـاده مكمل الدين تكميـل
خـالـد الحـضينة
الرد :
البارحـــة والذيـب عالــن قـنـيــبـة = اجاوبـه واشـيل بالصـوت ما شـال
وسط الخــلا بالليل كـني صـحيبة = ذيبن يجـوب الليـل بالضلـع جــوال
احـطب على ضــوي وازيـد بلهيبة = لــين ان نـــاري للبعيـديـن تنـخــال
ياذيـب اسمـع فالمسامـع رحيبــة = مـاني بــرد القـول بالقـيـل والقـال
انــا غريـبن وسـط ديــره غـريبـــة = لا والــدن فيـهـا ولا عـمــن وخــــال
اكـرب اشـدادي بالليالي الصعيبـة = لا ما اشتكي لوكان دمي لها سال
الصـعب لـو فـوق النجـوم بنجـيبـة = حــــرن مـدرب للصـعيبـات حـمــال
ابـــوي علـمـني ولاهــي غريبــــة = ذاك الاسـد ياذيب علـم لـه اشـبال
ياذيب حـال الشـوق مـني عطيبـة = لأهل الكرم والجود وافـين الافعـال
وياليت سـلوى مـن مكانـي قريبـة = والـفي علـى الخـلان واريــح البـال
القلـب ضـامـي والحبايـب جـليبــة = والشوق دلون والمواصل له حبـال
ودي على شــوف الديـار الحـبيبـة = اللي تسـر الحـال في كـل الاحـوال
ياذيـب ياللي جــايزن لـــي قنيبـة = اقـنب وانــا بالصــوت ياذيـب شـيال
احـمــد خـالـد الحـضـيـنـة
(( 5 ))
أبـو فـهــد
يـازيــد جـون زيـن وســهـود ومـهــــود = فــلـــة احـجـاج وبــين ربـعــن نــشامــا
القـرم مـا قصــر عـسـى عـمــرة بــزود = يـسـلـم لـنـا ونـعــودهــا كـــل عـــامـــا
عـبـدالله اللـي مـا يجــي مـنـه منقــود = اهــو نــظـام وكـــل طـبعـــه نـظـامــــا
ابـو فـهــد بالجــود مـن منـبــع الجــــود = بـلـعـون مــا قـصــر عــدتــه المـلامــــا
للطيـب يـرقـى دايــم الـدوم بســنود = يــارد احــيـاض المـرجـلــة بـافتـهـامــا
مـن جــاه عـانـلــه رقى حـظـه صـعـود = يـوفـيــه لــو ان الخـسـايـر اجـسـامــا
الخــير عـنـده راهــين مــالــه حـــــدود = والضـيـف يـلـقــى يـا لـفـاه احــترامــا
من نعـمة الله كــل مـا طــاب مـوجــود = عـن وصـفـهـا يعـجـز فـصيح الكـلامـا
مـاني من اللي يجزي الطيب بجحــود = عـوجــان الأريـــا جـعـلهــم للـعـدامـــا
ما احتاج برهانن ولااحتاج لي شـهـود = مـاقـلت انا يازيد شين على مـــا
و إقبل تحية عد ماهبت النود = يابو فهد مني جزيل السلاما
أبو فهد هو الأخ العزيز : عبدالله سعود المحيلبي
خـالـد الحـضـيـنـة فرنسـا صـيف 2009
(( 6 ))
ماكر الطيب
- وصية لإبني محمد وهـو يدرس بالأردن
سافرت عقـب العصـر يـاماكـر الطيـب = طـلاب علــم وقـاصــدن دار الاجـنــاب
سـافــرت يالـغـالــي لـدار الاجـــانيب = مـن يطـلـب العليـا بـدنيــاه ما خـــاب
حـبيب ان سـافرت وان جـيـت حـبيب = والغـايـب الله يـرجـعـه كـل مـاغـــاب
والله مـا ودي عـن عـيـونـي تـغـيـب = سافـرت عـني خاطري منك ما طــاب
ودي اشــوفــك عـنـدنـا دايــم قـريــب = والله يــردك يـابـو خــالــد للاحــبــاب
وان جـيتنـا يـامـرحـبـا بــك تـراحـيـب = اهـلان تـراحـيب المطـر عـند الاعـراب
نسـتقبـلـك بالــورد والعـود والطـيــب = تسـتاهلـه يالقـرم من طيـب الاطيـاب
يـابـوك انـا بـوصـيك جـنب عن العـيـب = واخـتر كريمين السجـايـا لـك اصـحـاب
اخـتر من اخـيـار الجـمـاعـة اصـاحيـب = بـع واشـتر الطيـب اليـا صـرت جــلاب
خــلـك كـريمـن قـايمـن بالمـواجـيــب = لاخـاب ظـني فـيـك يـاعـرب الانسـاب
لاتـامـن الـحـيــة ولا تــامــن الـذيــــب = بـقعا لها خـونات واحسب لها حـساب
كــد قـيـل بالامـثـال نصـيـبـك تصــيـب = نصـيـبـك المقسوم مــكتــوب بـكـتـاب
ودعـتـك الـي يـعـلـم الجـهـر والـغـيـب = عــلام ســر الكـــون فـتــاح الابــــواب
(( 7 ))
(( الحانوت ))
ياصـاح كلـن يجــر الصـوت = والكل مغـرور فـي صـوتـــه
كلــن فتــح للشــقا حـانـــوت = يبـيـع فــي وســط حـانــوتــه
والعلـم خـلــه بطـن الحـــوت = بالـك اتـبـيـنــه للحـــــوتــــه
إن كان قلبـك يخـاف المـوت = ياصـاح لابـــد مـن مــوتــــه
اعرف ترى صـانع الـتـابوت = لابــد مـصـنــوع تـابـوتــــه
لاتـتـبع اهــواك والطـاغـوت = فـرعـون مـانجـاه طاغـوتــه
ازبن علـى اللـي لـه الملكـوت = الـلـي الســموات مـلـكــوتــه
واسـجد قبـل لا يفوت الفــوت = العـمــر لا بــد مـن فــوتــــه
(( 8 ))
ردا علـى أحـد الشـعـراء ( بــدون ذكــر أسـمـاء ) الـذي عـدد القبـايـل وافعـالهـا ولــم يـذكــر العـوازم لا مـن قـريـب ولا بـعـيــد .
(( عـطــوان ))
تــوكــــد الـعـلـــم يـا غـلـطــان = غـلـطـتـك حــســب عـواقـبهــا
اخــذ الـقـلـم وانـشـد الـعـربــان = واقــراء الـسـجــلات واكـــتـبـهــا
عـطــوان واجـــدادنـــا عـطــوان = الـلـــي اطــوالــن شـــواربــهـــا
افـعــالــنــا مــاضـــي الازمــــان = يـــومــــن شـــبــت حــرايـبـهـــا
والـيــوم ســاعــة رخـى وامــان = فــي بــــلاد جـــابـــر مـعـزبـهـــا
الـلـي عـلى حـكـمـهـا سـهــران = بـالـحـــزم والـعـــدل قـاضـبـهـــا
كــل الـقـبـايـل تـعيــش اخـــوان = والـفـايــتــــة مـــا تــحـسـبـهـــا
حـــريــتن مــثـلـهــا مـــا كـــــان = لــكـــن مــثــلــك يـخـــربــهــــا
ادرى الـخـطـا والـعـن الشـيطان = واقـطـع ولا انـــت بـسـبـايـبـهـا
(( 9 ))
هـذه الأبيـات مداعبـة مع الأخ العزيز فـلاح الهـديـة ، ففي احدى السنوات وفي أيام الربيع طلب مني أن أرافقـه في رحـلة الى البر وكان الفقع كثير في هـذه السـنة ولكـني لـم استطيـع الذهـاب بسبب ظـروف العمل كونـي اعـمـل ناظـرا فـي ذلك الوقت .
فكـان رده على رفضي الذهاب معه هو ( اقعد بمدرستك ) فعلى سبيل المداعبة نظمت هـذه الأبيات .
(( المدرســـة ))
يـقـول اقـعـد بـمدرسـتك = ما عاد الي فيـك تصريفـي
ريـــح الخـزامــا مفاخـتـك = امـرح على ريحـة السيفي
المدرسة دوم مشغلتـك = وانــا متقاعد علـى كيـفــي
انـــا رفـيقــك ولا عـفـتــك = واقــول مـن غــير تكليفـي
الناس مـاهي مطاوعتـك = عطلتك في لاهب الصيفي
(( 10 ))
(( يا مرحبا فيك ))
يامرحـبـا فــيـك ترحـيـبـــة = أحــلا مـن السـكر الحـالــي
غـلاك بالقــلـب تـدريـــبـــة = اغـلا مـن الجوهـر الغـالـي
لوجيت بالسوق وامشيبـة = ماغـيرك احـدن على بـالـي
غـيرك مـن البيض ماليـبـة = لـو هـــو قـريــب وتـهيـالـــي
الشـعـر حــنـا مـعـازيـبــــة = لـو تـطلـبـه جــاك بالحـالــي
نـطلبــه إلـك في مـطاليبة = ونـحـط الأول عـلـى الـتـالـي
ولخـاطـر إعـيونـك إنجـيـبــة = ونسـخـر الـقـــاف للـغـالــي
يا واحـدن قـمـت أهـلـيـبـة = مـا ينسخي فـيـه بالمـالــي
كـل الحــلا فـيـه والطيـبـــة = مـن قـبلـتـه قـبلــة إعيـالــي
(( 11 ))
(( يالله صباح الخير ))
يالله صـباح الخـير ياصـبح الانـــوار = صـبحن سـمعـنا فيه صـوت الاحـبــة
الغـاليــه بنــت الاجـاويـــد الاخـــيــار = اللـي سـوالـفـهـا رقيـقـة وعــذبــــة
يضـيق صـدري ياتغـيـب عـن الـــدار = ويسـوى مـلايــين الملايــين قـربـــة
والله مجري الفلك في وســط الابحار = اللـي رفـــع ســبع السـماوات احـبــة
فـي حـبهـا مانــي مـنـافــق وعــــيـار = ومـن لامـني بالعـون مـا خـاف ربــة
(( 12 ))
(( الله من قلبن ))
الله مـن قلـبـن بــدى فيـه لاهـوب = اقــوم واقعـد مـابـدي فيـه حـيـلــة
بالـدوب والراحــة اداريــه بـالـدوب = اخـاف تفضحـني دمـوعـن همـيلـة
بــلاه يامحـمـد غـدر فيـه مـحـبـوب = مـن يـوم فـارقـني وحـالي نحـيلـة
بـدرالدجى مـاشوف انا فيه عذروب = غـرون ملكـني مـن ليـالـن طـويلـة
اسـهـر علية الليـل بالهـم مسـبوب = لين السـفر يظـهر وعـيني تخـيلـة
عنيـد عـذبـني وانـا مـنـه ما اتــوب = ارجـي وصـالـه والليـالي الجميـلـة
يالله يـاجــابـر عـزى كـل مصـيـوب = تجـبر عـزى مـن نـاح يـومـه وليـلــة
ترجع لي المحبوب يا منجي ايـوب = يـاواحــدن كـل المــلا تشتكـي لة
(( 13 ))
(( خلصت من الهوى ))
خـلصـت مـن الهـوى وارتـاح بــالـي = خــلاص الشـوق مـا يـطـــري عـلـيــة
تــريــح خــاطــري والبـال ســالــي = انــــام الـلــيــل والـعـيـشــه هـــنـيــة
وانـــا يــاصـاحـــبـي دور بــدالــــي = خـلاص الـنـفــس مـن حــبـك بــريــــة
ســهـرت أيــأم مــع عــدة لـيــالــي = قضيـت اسـنـين واعـيـونــي شـجـيـة
والا يالله يــاعــالــــم بــحــــالــــي = يـاوالــي الـعـرش يـــارب الــبـريـــــة
طـلـبـتـك طـلـبــتن يـالله والـــــــي = تـسـامـحــني ولا تـغـضــب عــلـيــــة
(( 14 ))
(( لي صاحبن ))
لي صاحبن ضـيـع فـؤاده بسـاعـة = في ساعتن عيي العقل لا يطيعـة
ورعن لجى في وسط قلبه وراعـة = طبيعـتن يا شـينهـا مــن طبيعـــة
ويشكي على اللي لايع الحب لاعة = ومن الغرام جروح قلبـه وسيعــة
درب الهـوى ماهـوب حـرفـة زراعـة = أحـد يحـصـد الـزرع وأحـد يبـيعـة
درب الهـوى فيه الشـقى والملاعـة = وياما بـه ارجالن هفـت من صنيعـة
لاشــك انــا ويــاك بامــرن وطـاعـة = مطلوبكـم حـقن عـلـيـنا نـطـيـعــة
لو صـاحبك يعرض سـوات البضاعة = اشـرية إلـك لـوكـان بيـتي ابيـعــة
ولو صـاحبك يرجى تجيبـه شـجاعة = لي لابتن وقت الشدايد فضـيـعـة
اولاد عــمي بالشــدايـد اسـباعـة = ووقت الرخى تصبح اسودن وديعـة
دســتورنـــا قـرآنــنــا واتــبـاعــــة = وسنة رسول الله محمد شـريعـة
(( 15 ))
الـبـارحـــة قـمــت افـتكـــر وتفـكــــر = وأقلـب بصفـحــات قـصــة حـيـاتــي
واصبحـت لي كنـي كسيفـن مـكـسـر = مـن شـين مـا جـاني بلـيـل المباتـي
ورحت لصديقن لي على الخير والشر = وشكـيت لــه حالـي ومامـنه احـاتـي
قـال الصــديق ابـشـر وبـالـك تـكـــدر = عنـدي طبـيـب يجـيب عـلـم الثـباتـي
وجـانـي طـبيب القـلـب ويـاه سـستر = قـالـوا عـلامـك قـلـت قلبـي عـيـاتـي
كـشـف على صــدري وقلـبـي وقــرر = ميـؤس من طـبي وحـالـة اشـفـاتـي
قـالـوا مـعـاه القلـب ثــم قـال اكـــثر = كـامـل مـعـالـيـق الـفـتى تـالـفـاتــي
يـاصـاحبي هـات القلم لـي ودفــتر = كمـل لي المعـروف واكـتب وصـاتـي
ثــــم قلــت انــــا يالله والله اكــــبر = علـى غــزالـن راح مـن غــير يـاتـــي
يـاعيــون جـدي انـت وشـبك تكــبر = ارفـق بحـالــي لا تـعـجــل مـمـاتــي
وخـتـامـهـا مسـك وزبـادن وعنـــبر = ازكـى سـلامـن للـنـبي والـصـلاتــي
** ملاحظه :
- تم نقل جميع هذه القصائد من شاعرها
الأخ : خالد مطلق الحضينه
مع تحيات
إدارة مجالس قبيلة العوازم الهوازنيه الرسمي
ديوان الشاعر : (( خالد الحضينه )) خاص وحصري لمجالس قبيلة العوازم
( تقرير عن مشاركة مخالفة ) ، و الموجودة أسفل كل مشاركة .