يدور الوقت ونشوف العجايب=عسى ربي يجنبنا المصايب
كلام (( الحق )) صار اليوم تهمه=لو تعده تراك أنسان خايب
(( تٌمجد شخص )) من أجل الدعايه=على فكره تراه أنســان (( عايب ))
لو تعرضه بوسط السوق يبقى=(( ثلاث حروف )) جعله للنـوايب.....!!
( عمر البحر ماشال هم السفينه )=الا , بحر فكري ترا وصٌل الحد !
شديت عزمي / غايتي بالسمينه=يالله عسى جزري يعٌود على المد ؟
بحاول أكسب فرصةً لي ثمينه=وأحاول أخفي لو مابحت بالسد !
الحب دربه عسٌر مدري وش شروطه؟=واللي يعرف الهوى ليته يعلمني...
النفس ضاقت وهي بالحيل محبوطه=طٌول غيابه علي ليته يكلمني
صدقت هرجً علي من ناس مغبوطه=وصل الحبايب قطعته ليه تتركني
خسرت كاس المحبه والسبب شوطه=جمهور حزني تضايق يوم تغلبني ..!
قالو علامك يوم شفته ....توهقت=قلت الخجل طبعي ليا شفت ( مزيون )
لامرني زوله واذا أقفى ..تضايقت=نفسي توده مير خابت بي ظنون
يا ليت في حبل الهوى ماتعلقت=ولا عرفت الحب دامه على الفون...!!