بسم الله الرحمن الرحيم
السلام عليكم و رحمة الله و بركاته
يا ابو فهد و العشق ما يعـرف مـزاح = كيٌشتهـا لجلـك و اخـذهـا قنـاعـه
لامـن سـرى بالقلـب لابـد يجتـاح = يغـر ابـن آدم و يـلـوي ذراعــه
و العشق لـو كـان فبداياتـه افـراح = لابـد مـا يومـن يجيـك بنـزاعـه
وانا تـرى حالـي مثـل كـل الارواح = مكتوف يد و مالـي حيـل بصراعـه
دب الهوى فـي خافقـي دون مفتـاح = و سلمتله امـري بسمعـن و طاعـه
و شفني جنيت من الهوى دمع و جراح = و عثرات حظ و هـم طـول القطاعـه
لا وقـت صافيلـي ولا قلـب مرتـاح = و الضيق لازمنـي مـع كـل ساعـه
و الحظ لا قلنـا رقـى عـوٌد و طـاح = زوٌد علـى راسـي بـلاه و صداعـه
من يوم راحت ... كل شين لهـا راح = و الي صفى قلبـن شقـى بانفجاعـه
اقفت و انا مردفلها الصـوت بصيـاح = و اهي بقولـة مـا علـي استماعـه
وجدي عليها وجد من بالبحـر صـاح = ما حولـه الا المـوج يلطـم شراعـه
يشوف نور السيـف ولاهـو بسبـاح = عنـده خبـر لا طـب يعنـي وداعـه
و وجدي عليها وجد حرن بـلا جنـاح = وده يحلـق ميـر مــو بستطـاعـه
من اولن فسقـان صيـدن و ملـواح = و اليـوم متكسـر و راعيـه بـاعـه
و شلون اناطح في يدي سيف و رماح؟ = انا اشهـد ان ماعـاد فيهـا شجاعـه
تبعت اقول انهـا بتجينـي و ابرتـاح = و نـور اللقـا عيـا يبيٌـن شعاعـه
من يوم راحت ... كل شين لهـا راح = و رجعت كحيل العيـن اكبـر اشاعـه
و الي صفالي بعدهـا دمـع و جـراح = و عثرات حظ و هـم طـول القطاعـه
و سلامتكم