بسم الله الرحمن الرحيم
السلام عليكم و رحمة الله و بركاته
الحقيقـة تكتـم افـواه الاشاعـه = و كلمة المظلوم تظهر مع شهيقـه
ول يا هالوقت يا ما اكثـر خداعـه = لو تخبي خلف احاسيس(ن) رقيقه
التسامح خالطـه عـرق البشاعـه = و الخوي ما أمـن بذمـة رفيقـه
دارت الايام .. و ارخالـي قناعـه = و انورت ليلي مصابيـح الحقيقـه
دمت يا حق(ن) يضويني شعاعـه = صاحبك تايـه بظلماتـه و ضيقـه
ما خذيت امن الوصل غير القطاعه = و لا عرفت امن الجروح الا العميقه
راس مالي عقب صدته .. القناعه = بارد الاعصاب ما حـس بحريقـه
ليه اضيق؟ ان باعني بيعت بضاعه = الورود الزاهيـة تملـى الحديقـه!
لو يطيح الحـظ ابطيـح بشجاعـه = و ان شكيت ابشكي لرب الخليقـه
مركبي يبحر و مرفوع(ن) شراعه = لو صفقه الريح صاريتـه وثيقـه
من لوى ذراعي ابلوي له ذراعـه = ما شفعت له دمعة عيون(ن) غريقه
لا يكابر لو اخـذ روحـي وداعـه = بطوي الصفحة و كل(ن) في طريقه
ذكرياتـه مـا تجنبنـي وداعــه = ان بغيت انساه .. بنسـاه بدقيقـه
و سلامتكم