خففت لحيتك ثم سويت سكسوكه=أهب بعض البشر زاغت مذاهبها
اليو الأخبار معفوسه ومشكوكه=ماني بقادر أصدقها وأكذبها
بعض الدعاوي تجي صلفه ومحبوكه=وبعض الدعاوي تضيَع من يرتبها
صارت دروب الردى متعه ومسلوكه=لين أختلفنا بقاريها وكاتبها
أن صارت النفس مأموره ومملوكه=لاعاد تشره عليها ولا تعذربها
الناس تبخص وكلن يتبع أسلوكه=ماغرها شي لو قلت مطالبها
بعض الأوادم من الله...نفس مبروكه=وبعض الأوادم بلاها من مصايبها
ياعلت القوم والأيام مدروكه=تكشفك الأيام لوأمنك تراقبها
يامكثر اللي غدا للعالم أضحوكه=بسباب ناس ٍ تضره يوم صاحبها
ياشلة الزيف والتطبيل مشكوكه=الناس تعرف دعاويكم وتعربها