السلام عليكم ورحمه الله وبركاته
..الشاعر مسفر العتيبى (( فتى نجد ))
هيـض القلـب المولـع يالميـع=يوم شفت الزين فالسوق إخطـي
الحلا والزيـن والـذوق الرفيـع=من القدم لراس غاطيهـا غطـي
النهد مزمـوم مامصـه رضيـع=تمشي أخلاف أمها وتقطي قطـي
حولتبي بين شعـب وبيـن ريـع=راح معهـا يافهـد قلبـي وطـي
أشهد أني لاأمرها بصبح مطيـع=صاطين باقصى الحشا حبه صطي
ودي أجيهـا لا كـن ماأستطيـع=قمت أغني مثـل ماغنـى بطـي
جواب الشاعر (( فهد محمد الميع ))
من هجوس الشاعر اللي مايضيع=أخضعي ياذا القوافي واهبطـي
مرحبا باللي بـدع قافـن بديـع=من جزال ومن حسان أمخلطـي
يشكي اللوعات والجرح الشنيـع=سم طفل السوق ساطي به سطي
الهوى ملعون شاب أبه الرضيع=قبلكم كم راح في دربـه وطـي
يرسم الأحلام والجـو الفضيـع=وأخر الأحلام ياخوي اخرطـي
أستلم ذا القول يامسفـر وذيـع=ان درب الحب مالي به خطـي