بسم ربن تسجـد لهيبتـه كـل العبيـد=نكتب إجـزال المعانـي علـى قيفانهـا
من صغر سني وأنا شاعرن باسي شديد=شاعرن قـوم بيوتـه علـى سيسانهـا
ماتراخا عزمي اللي علي القاسي يزيـد=والشجاعـه ورث الأولاد مـن جدانهـا
سقت رجلي في يدي سيف خالد بن وليد=مـا علـئ أمـن الذيابـه ولا نيبانهـا
من سلايل لابتـن بيتهـا بيتـن جويـد=شجرتن يامطيب أجذورهـا وأغصانهـا
نحتميها من بلا زيـد وإلا مـن عبيـد=من عصورن فاتت أوقاتهـا وأزمانهـا
شيخها اللي كاسب النصر بالسيف الحديد=نسل بن جامع رجالـن رفيعـن شانهـا
ترتكـي للحملـه ولا تلـف ولا تحيـد=من قبل عصر الشريف أشعلت ضيانهـا
إن غزينـا نحمـد الله مغازينـا بعيـد=وإن فعلنـا أفعولنـا راجحـن ميزانهـا
وإن ذبحنا ماذبحنا المـره وإلا الوليـد=نذبـح الفريـس والسربـه وشيخانهـا
وإن قسينا يمكن يذوب بالقطـب الجليـد=وأن وقفنا راجت الخيل فـي فرسانهـا
وأن زعلنا شبت النار في خضر الجريد=وإن ركبنا فوق أصيله حكمنـا عنانهـا
مـن هـوازن عزنـا وكلنـا لله عبيـد=هاك مضمون القضيـه وخـذ عنوانهـا
أنشد الهران لا ضقـت يالقلـب البليـد=كان في قلبك شكوكن رقـص شيطانهـا
والختام أثني سلامي علي الطيب وأزيـد=والردايـا نرهـم معمـيـن دخانـهـا