فارقت من كانت يدي في يدينهـا=الحظ الاقشر حال بينـي وبينهـا
قالت بعد يومين عرسي ودنقـت=تبكي وتمسح باالمناديـل عينهـا
تبكي وانا ابكي يوم عيني تشوفها=سالت عبايرها وباحـت كنينهـا
هذيك في قلبي وروحي ومهجتـي=غابت وحنا ياعـرب عاذرينهـا
قالت امانه عندك اليوم صورتـي=شفها اذا نفسـك تزايـد حنينهـا
قالت لك التذكـار منـي قلادتـي=قلت ابشري مادامنـا حافظينهـا
قلت اذكري ايامنا اللي مضت لنا=في زينهـا يابنـت والا بشينهـا
وحلفت منساها ولو طال بعدهـا=لو طالت الغيبه وطالت سنينهـا
صافحتها والنار شبت بضامـري=من يوم مًدت للمفـارق يمينهـا
وأقفت ودمع العين سايل بخدهـا=احت عسى الله باالمفارق يعينها
عزاه ثم عزاه مـن قلـب قلتهـا=اقولها والحيـن وينـي ووينهـا
يمكن يجيها يوم تقرى قصيدتـي=فارقت من كانت يدي في يدينهـا