السلام عليكم ورحمة الله وبركاته :
قصيدة بعد طول غياب بعنوان
" بين الدول نسمع لجوءٍ سياسي "
بين الدول نسمع لجوء سياسي =يمكن من اللي صار بالناس يا ناس
وانا الشعر جاني لجوءه مآسي = يشكي عليّ الوضع والوضع حساس
يشكي عليّ جور الدهر والاناسي = منهد حيله مع بليدين الاحساس
قلت استريح اشوف صابك انعاسي = في هالزمن لابد ما نرفع الكاس
انا الشعر ثوبه لبسته مقاسي = مارحت افصلي مثل ثوبه قياس
سفن الشعر عندي رست بالمراسي = وحمولها احلى الدرر ماهي انحاس
لني انا شاعر وجدي اساسي = مارحت اجمّع شعر من وسط قرطاس
كثرت قنوات الشعر شف رواسي = شف ناس تطلع بالشعر مالها ساس
مكانتك عندي ترى فوق راسي = اثبت على خطوتك واكتم لك انفاسي
بين الدول نسمع لجوءٍ سياسي = وصدق البحر يا ناس يحتاج غطاس
وسلامتكم