النار نفرق جمرها مـن لهيبهـا=يـوم الذيابـه عارفينـن قنيبهـا
والحمد للوالي له الشكـر والثنـا=اللي جبال الارض سيل شعيبهـا
سبحانه ولانيب محصي فضايلـه=مسلم خلق نفسي ومطيب نصيبهـا
أكبر فخر لاصار الاسلام ملتـي=ما نيب عباد البقـر مـع حليبهـا
نمشي على دينـه وسنـة نبينـا=اللـي فعولـه كلهـا نقتديبـهـا
حديثـه مخلـد والاسـلام عزنـا=والناس ماهـي كلهـا ينغزيبهـا
عقب غزانا الغرب بأحدث برامجه=ماعاد أميز ضدها من صحيبهـا
وراحت عوايدنا بقصـة خيالهـا=قناه دست عيبها جـوف طيبهـا
تعكس مفاهيـم الحيـاه ونظامهـا=وتحط جهال العرب فوق أديبهـا
البنت خربانه والاشنـاب طايـره=امحق مره وامحق خطيبن خطيبها
والام دواجه على الكيف والابـو=يتبع مدامه كـل حاجـه يجيبهـا
دجت ودج اللي يصـدق كلامهـا=هذا مسلسلهـا وربـي حسيبهـا
وأنا أتشره لهـل العـرف كانهـا=لاجـت مواقـف طيبـه تنثنيبهـا
وأختامها وعداد مارفـرف العلـم=صلوا على نور القلوب وحبيبهـا