لولا الغلا ما اضحك مع ناس غاليـن=ولـولا المعـزه ماتطيـح الميـانـه
ياصاحبي ما أرضى يجي خاطرك شين=أسمح لبـن عكشـان زلـت لسانـه
أحمـد وسالـم كلبوكـم عزيـزيـن=بعض الكلام الشين مـا فيـه خانـه
وأنا خوي أهل الكـرم وأهـل الديـن=ربعي لهم في جـوف قلبـي مكانـه
شديـد بالشـده وليـن مـع الليـن=وعضيد للي خايـن(ن) بـه زمانـه
ربعـي نسـل عدنـان والا قحاطيـن=ربعـي حريبيـن الـردى والخيانـه
مـن كـل لابـه نجتمـع بالمياديـن=ونخـاوى اللـي مايحـب اللعـانـه
هـذا جوابـي وأقبلـوا يالمسمـيـن=العذر ما حـط الخطـاء فـي مكانـه
لولا الغلا ما اضحك مع ناس غاليـن=ولـولا المعـزه ماتطيـح الميـانـه