حنا فـزع ذودن تـلادن عريبـات=مالقطت بالسـوق جملـه وتفريـد
وحنا الرجال أهل البيوت المبنـات=ماذللتنا أسيوف عنتر وأبـو زيـد
تشهد لنا كل العصـور القديمـات=ذباحت الشيخـان قبـل الصناديـد
يبصم لها شريف مكـه بالأبيـات=ويمدح رجالـن يحتـدون الأواليـد
وطلال ظلعن شاهدن لـه بغـارات=ومبهل بعد ظلعـن شهـد لأجاويـد
في نجد حنا أهل الكرم والمـروات=عشنا ولو كثرة علينـا الحواسيـد
عوازمن للطيـب والعـز هامـات=غصبن على اللي للحقايق جواحيـد
عشنا بنصر الله بهـا بأنتصـارات=يالينهـا كثـرت علينـا المواريـد
ومنها حدرنا في حـدود المسنـات=من شور ابن جامع حفضنا المواعيد
شيخن حكمنا من قديـم السنـاوات=حكيم تقصـر عنـه كـل المناقيـد
وبالسوده أنكفنا وجيـه المغيـرات=يالين عاد اللي قنص مالقـا صيـد
قدامنا تنـزل خشومـن رفيعـات=فالطيب والا من القنـا والجلاميـد
اليا تواضعنـا بحـورن غزيـرات=واليا زعلنا نزعل العبـد والسيـد
واللي يخاوينا كتـب لـه شهـادات=حقن مهيب من الحكي والسراميـد
وجينا الكويت أهل البيوت العزيزات=وأفعالنـا تولـد سـوات المواليـد
فيهـا مناصبنـا بكـل الـوزارات=ربعـي يحلـون الحبـال المعاقيـد
أفخر بهم لاجاء نهـار المثـارات=وماأجيب علمن للعرب دون توكيـد
أمن اليمن حتـى شمـال القريـات=ربعي كعـام المعتـدي والمقاريـد
وكل القبايل في فعـول البطـولات=لولا الهلال الناس كد صامت العيـد
وأختامها وعـداد ماتقـرأ الأيـات=صلـوا علـى محمـد ولله توحيـد