بدعه كبيره جات في شرع الهوى يامزمزيـل=لقلت أحبك وسمعيهـا زيـن مـاش مجاملـه
أنا على شانك تري مانـي مسـوى مستحيـل=لا والله ألا كـان تبغيـن السوالـف كامـلـه
أنتي معي قدرك كبيرن لا حشى ماهـو قليـل=أمن أول(ن)يوم المواقـف للرجـال الصاملـه
وللحين لكن قبل لايحطون وضع الراس ذيـل=والذيل يصبح راس تطلع له صيانـه شاملـه
أعيل في مبدى الادب وأردَ كـل اللـى يعيـل=ماني من اللى عايل(ن) فالصايبـه والهاملـه
عيني على راس الجبل ماهي على سيل المسيل=الله يبيض وجه مـن كانـت يدينـه عاملـه
أشكي على الله فالأيـاب ولا نوينـا للرحيـل=ماوالله أشكي للعرب خص الوجيـه الخاملـه
أشاور اللى بالمواقف كنها السيـف الصقيـل=في بعض أمور(ن) ليس في كل الامور الشامله
وختامها يهل الفكر مابه على هرجـي دليـل=المفرده تحمل معانـي بـس ماهـي حاملـه
وصلاة ربي عد ماطرف نهـار وطـاف ليـل=على الرسول اللى توفـى ميـر ذكـره داملـه