(( ساير النويعم))
على عهد القصيد اللي معك ما يقطع الجـوال=سلام الله على ربعن لهـم بالقلـب منزالـي
على شانك بدينا فالبيـوت وفالبيـوت أمثـال=بيوتن تبعد هموم الرجـال وتشـرح البالـي
على عز ومعـزه خـوة الابطـال للأبطـال=رجالن فعلهـا الاول يشابـه فعلهـا التالـي
أقول بلحيتي وأشنابها ربعـي كـرام أسبـال=ولا أخاوي ردى الناس لـو رقمـه بجوالـي
أحب اللي لجات معقـده يطلـع لهـا حـلال=سواتك يا حمد بالسوق تشري والثمن غالـي
سعينا والدروب أقصيره والا الدروب أطوال=نبي نوصل مساعينا بحكمـت ربنـا العالـي
تعلمنا الدروس اللي لها مخراجـن ومدخـال=وتعلمنا الحكم من راعى الحكمـه والامثالـي
وهذي دنيتن فيها التجـارب كنهـا التمثـال=تعلمها الذكي يوم الغبي فـي حالتـه سالـي
وصلات الله عدد ماهل غيث من السماء همال=على محمد رسولن حـول الجهـال عقالـي
رد الشاعر ((حمد مبارك بن معترم العازمي))
على عهد القصيد اللي تجيبه موجت الارسال=هلا يامرحبـا ترحيبتـن مقدارهـا عالـي
على شان الذي له مدتن ماكز لـي مرسـال=نعسف المهره اللي مالهـا فالوقـت خيالـي
على عز ومعزه خـوت الرجـال للرجـال=وأحمد الله ربعي يفرقـون المـر والحالـي
نعم ياربعي اللي تلطم المخطي مـع العيـال=نعم ياربعي اللي وافيـه فـي كـل مكيالـي
أنا صادق ولا ني ياوسيع المعرفـه ختـال=أطب السوق وأشري ياعميل الخير من مالي
تعلمنا من الدنيـا دروسـن تنفـع الاجيـال=نعز الضيف ونصون العهد وندلـه الجالـي
وأفادتنا تجاريب الزمن ما نسمـع الاقـوال=نصك أسموعنا عن هارجين القيل والقالـي
أنا صاحبك ما أحاربك بالاقفـاي والاقبـال=أداري خاطرك وأسايرك يا طيـب الفالـي
وصلات الله على اللي ملته تعصم من الدجال=عدد مالاح بـراق المخيلـه بـأول وتالـي
وسلامتكم