غب السوادي
امتلى صدري من الظيق وحديته
في سموم القيظ لفجوج البوادي
ارتجي شي صعيبن ماقويته
مثل من يرجي ورى الكنه برادي
والدهر وان ظام نفسي ماشكيته
قانع باللي كتب رب العبادي
راكب اللي حسها بذني نحيته
مثل حك السن في صم الجمادي
ان ظربت الهش هفت مستميته
وان ظربت القاسيه صوت الرعادي
لي جنوب امريخ زرعن ماسقيته
له ثلاث ايام مع يوم يزادي
كل مازمت اغصونه وحتريته
قمبرت عجن تغيير كل وادي
وان تهادا الجو من عجن قفيته
جاه سربن من ملايين الجرادي
التعب فيها حصاده ماجنيته
ظاعت الفكره ووقتي وجتهادي
في فسيح البر رزقي مالقيته
والبحر رزقه ورى غب السوادي
كلمات /سعود الظامي