22-12-2010, 02:16 AM
|
رقم المشاركة : 1
|
|
---( مــع الــســلامــه )---
بكره يملونك جميع المخاليق=وتندم على وقتن قضيته بدوني
وادري بعد لا ضاق وقتك تبي ضيق=وتطلب من الله يجمعك في عيوني
لو كنت غالي والغلا فالمعاليق=مرخصتني يوم العرب يرخصوني
كنت الغلا كنت الامل جعلك تفيق=من هرج عذالي عقب ماطعنوني
وانا على ماقيل هذا فلا طيق=شخص يصدق هرجت الي يخوني
دامك نكرت اليوم كل المواثيق=أكيد بعدي صار عندك يهوني
هذا طريقك نظمه دامه يليق=ومحدن يبي يمنعك لو تحرموني
خذها من الخفاق من دون تعليق=الي حرمني بحرمه من يجوني
ماني مثل ناسن بحبك مطافيق=أنا عزيز النفس والقلب عوني
مع السلامه ومابقي بصناديق=غير الحزن والضيق وبعض الظنوني
ياقلب حب الناس حظ وتوافيق=ويقلهم فالوقت منهو يصوني
البارحه غنيت كل الطواريق=من ونتن فالقلب عيت تهوني
منتب بالاقي مثلي بين المخاليق=ومنتب بشايف مثل نظرت عيوني
التوقيع - أحمد براك الحمر |
راح وتركني وانا بالحيل محتاجه=وصارت حياتي عنا والبعد حارقني
ماودي أدق رقمه خايف حراجه=ليته عرف قطع وصله حيل ضيقني
|
|
|
|