جاني يقول ارجوك تقبل وداعي = ارجوك تنسى حبنا مع لياليه
مال المواصل بيننا اليوم داعي = مركب هوانا راحلٍ عن موانيه
عشنا سنينٍ بينها الود ساعي = واليوم ننهي مابقا من مساعيه
عليك تقنع ولظروفي تراعي = مجبور قلبي لك يبدل معانيه
وسلم بصوتٍ زاد منه إلتياعي = واقفا وانا دمعي بعيني يناديه
تزلزلت من حدر الاقدام قاعي = عيت تطيق العين تنظر خطاويه
وصح الخبر والعلم للناس شاعي = نصيب غيري ولا بقا غير ماضيه
ولاعاد انا برجي معاه اجتماعي = حبٍ على غير الشرف مالنا فيه
** رابط القصيده بمنتدى الشعر :
http://www.alawazm.com/vb/showthread.php?t=17345