ياشوق علمني عن الحال كيفه = عساك في ضلعٍ عن الهم نايف
ودنياك دايم بالسعاده إمريفه = والخير يقبل بالركايب ردايف
مرت سنه والقلب يزداد خيفه = ولامن خبر يوصل يزيل الكلايف
ربيع قلبي تو ماحل صيفه = عيني على لاماك هلت ذرايف
حبي على سلم العلوم الشريفه = ماهو بحبٍ تقتفيه الحسايف
حبٍ مضى يوم الليالي خفيفه = لامشغل بالي ولاني بخايف
يوم إنتلاقا والسوالف طريفه = إنجاذب الاشواق والجو كايف
تقول احبك والمشاعر وليفه = واجاوبك عزي لحال الولايف
حبي سفينه وانت مرساه وسيفه = انته ربيع القلب والجو صايف
واليوم حال الوقت ياقو حيفه = منته بشايفني ولا ني بشايف
مالي جدى كود التمني بطيفه = عساي ابلقى بالتمني وصايف
ياشوق علمني عن الحال كيفه = عساك في ضلعٍ عن الهم نايف
ودنياك دايم بالسعاده إمريفه = والخير يقبل بالركايب ردايف