جت على الطاري
وكل شي له اسباب
ياناشدٍ عني ترى العلم بكتاب = دوَر وتلقا للمعاني دليلي
ماني وانا خالد للأجواد سباب = ولاني على بعض الخلايق وكيلي
ولاني من اللي بحزة الطيب غياب = ولاني على من غاب مشعل فتيلي
ولاني من اللي بماقف العز هياب = ولالي على من هاب رزق وحصيلي
ولاني على زلة خوي بحسّاب = ولاني مع راع الحسايب عميلي
ولاني من اللي لاهرج قيل كذاب = ولاني مع راع السرايد خليلي
انا هواي ورغبتي رفقة احناب = اللي ليا جار الزمن ترتكيلي
اللي ليا غبنا يجي منهم إعتاب = تنشد عن اسباب الغياب وتجيلي
تذكرلي الحسنه وعيبي له حجاب = ودايم على فعل الجمايل تميلي
دايم مجالسهم شباب وشياب = مجلس فخر والطيب فيها نزيلي
موجز بسيط وكلِ هرج له اسباب = ولاني مبين ماتسبب بقيلي
وسلامتكم
اخوكم