علها تحوز رضاكم
سـار القلـم يكتـب مـن القـاف منـهـاج = منهاج شخصٍ جرب الوقت تجريـب
كـم واحـدٍ لاجـيـت ضـايـق ومحـتـاج = يبـيـن لــك فعـلـه بـصــدقٍ وتـكـذيـب
وبعض البشر مصاحبه هم وازعـاج = صداقـتـه تجـيـب لــك كــل تـخـريـب
يضحـك بوجهـك والقفـا فيـك هــراج = يـرجـي لــك الـزلـه وزود العـذاريـب
بـيـن المجـالـس دايـــم الـــدوم لـجــاج = لاجـيــت ماتـلـقـى بـوجــه تـراحـيـب
لاشـفـت زولــه اطـلـب الله الافـــراج = ويضيق صدري فالضلوع المحاديب
لاراجــيٍ خـيـره ولاحـاصـل انـتــاج = زرعٍ سقـاه الخـبـث ماينـتـج الطـيـب
رافــق رفـيـقٍ لاظـلـم الـلـيـل وهـــاج = يذكر لك الحسنـه ويستـر لـك العيـب
لاجيـت فيـك الضيـق والبـال منـعـاج = ترتاح من هرجـه وتنسـى الغثاريـب
كم ضيقـةٍ يلقـى لهـا غصـب مخـراج = رجــلٍ تعـلـى فــوق عــال المراقـيـب
وفوق الـورق سجلـت قـافٍ ومنهـاج = وترى المراجل فعل ماهـي تواهيـب
لكم التحيه
اخوكم