علها تحوز الرضا
يالله يامعدل ميال الموازين = ويامرسل غيمك على الارض ماطر
ويارازقٍ خلقك بكل البلادين = وياعالمٍ باللي على الهم صابر
دعاك عبدك راجي العطف واللين = رحماك حيثنك على الكل قادر
والناس ماهم على طول حيين = وتالي جسدهم باليٍ فالمقابر
والروح يم اللي له الخلق راجين = عطفه ولطفه من عظيم المخاطر
وياكثر صدماتي بناسٍ عزيزين = اللي لهم حشمه وتقدير خاطر
اثر التجارب خير وافضل براهين = ومنها تعلمنا بكل المصادر
وش فايدة تعداد ربعك ملايين = لاصار فيهم طيب العرف نادر
وسلامتكم
لكم التحيه
اخوكم