علها تحوز رضاكم
هات القلم واكتب بما يخفي الجـاش = همٍ لجـا بيـن الضلـوع ونهشهـا
دنياً كبيره علمت كل مـن عـاش = جور الليالـي وضحتلـي غششهـا
بعض الاوادم منظـرٍ دون منبـاش = والبعض الاخر حظ منهـو نوشهـا
كم واحدٍ لاجيـت فالوجـه بشـاش = ولاقفيت عنه كل امـورك نبشهـا
وبوسط بيته حطِّ بـنٍ مـع فـراش = ودايم خفايا الناس قـام وعرشهـا
وعيونه على الجيران فالحيل عطاش = يرجي متى يبدي نهايـة عطشهـا
هذا الذي عايش حياته على مـاش = والعزوه اللـي يعتزيهـا خدشهـا
ماله مع كل المراجل تـرى قيـاش = ولامات محدٍ سيرتـه لـه نقشهـا
منـدوب نمـاتٍ وللهرج مطـراش = فالقدر عندي مـن توالـي دبشهـا
إكرم رفيقٍ المكـارم لهـا حـاش = وبالك مـن اللـي للردايـا بلشهـا
النفس عودها على الطيب تعتـاش = ومن رافق الطيب لروحـه نعشهـا
بوقت الشدايد مايجي منه الارعاش = والعين مـن فعلـه تزايـد دهشهـا
وترى النصيحه يافتى الجود ببلاش = البوم يفرق عن فعايـل وحشهـا
وسلامتكم
اخوكم