قم بهر الدله وسوق الفناجيل = سقها على اللي محتوين الخصايل
ثم إستمعلي يوم صغت التماثيل = أبيات شعرٍ والمعاني جزايل
مدحٍ على غير الحقايق غثا سيل = المدح مقرونٍ بطيب العمايل
ولاني بمادح كود ربعٍ حلاحيل = اللي لهم يمنىً تحوش الجمايل
ربعي هل الفزعات جيلٍ بأثر جيل = اللابه اللي ترتكي للثقايل
عوازمٍ لاجاك من وقتك الويل = عوازمٍ تذكر بطيب الفعايل
عوازمٍ وقت الملاقا مقابيل = والفعل يذكر من عصور الاوايل
كم من عقيدٍ غره القال والقيل = امسى عشى للذيب والشر زايل
(( ذباحةٍ للشيخ )) يوم التهاويل = يوم الخلايق بينها الدم سايل
إليا اعتزينا كل صعب تساهيل = وانشد وتلقا للفعايل دلايل
لاصاح صياح (( عطا )) بأمرٍ مهيل = يجيك جمع للثقيلات شايل
الضيف يلقا في سماهم هماليل = يلقا هلا يامرحبا وذبح حايل
والجار إله حشمه وشيمه وتجليل = يكرم قصير البيت عن كل عايل
عاداتنا بالطيب سبقٍ وتحصيل = الطيب نسعاله على كل طايل
ما قول حنا وألغي الغير وازيل = الطيب قسمه بين كل القبايل
تمت وصلى الله عدد حبرٍ يسيل= على نبيٍ جامعٍ للفضايل
وسلامتكم
أخوكم