** قصيده بيني وبين الشاعر :
(( محمد عطا الله الشراري ))
**الصوت :
خالد بن حطاب
هات القلم يطري على القلب طاري = نامت عيون الناس وعيني سهيـره
وسند على اللي لفعل الاجواد ضاري = من نسل عودٍ لـه صفـاتٍ كثيـره
مقصودي محمد عطا الله شـراري = مامن معرفـه ولاحصلـي بجيـره
لاشك انا ودي على القاف يجـاري = شاعـر وتعجبنـي نسايـم عبيـره
وانا على الاجواد فالحيـل شـاري = ومن طاب فعله تذكر الناس خيـره
يابن الشراري وقتنـا اليـوم داري = ومما جرى شبـة بقلبـي سعيـره
النذل يرقـى ومـا امربـه وزاري = عايش على الحيلات ماخبث ضميره
والقرم في وجهـه تهـب الـذواري = وخانـوه خلانـه وقفـا عشـيـره
بعز ومعزه طيـب الفعـل سـاري = ميـر البـلاوي كـل يـومٍ مغيـره
لصكات بقعا فـي جبينـه مـواري = وتصفع جنوبه مير ثابـت مسيـره
وسبحانه اللي في خفا العبـد داري = ارجيه يشفي من جروحـه خطيـره
وختامها ودي على القاف يجـاري = شاعـر وتعجبنـي نسايـم عبيـره
**الصدى :
محمد عطاالله الشراري
ياخالد اسمـع مايقـول الشـراري = يوم انطلق سبق الربيط وجريـره
البارحه كنـي بعشـب البـراري = مابين روض اخضر وسحبٍ مطيره
قريت جـزلات البيـوت الكبـاري = وفي كل حرف اشوف صوره نظيره
ورحت لمعاميلي وشبيـت نـاري = من فرحتي ماصار للنـوم سيـره
وصلّحت فنجال ٍ حـلاه البهـاري = فنجال يصلـح للوجيـه السفيـره
واصلت ليلي مع بشايـر نهـاري = مسرور بالي والمشاعـر بشيـره
يا بن سعد رحبت باسمك جهـاري = لك في صميم القلب مسكن وديـره
يامرحبا بك عـد مالطيـر طـاري = واعداد قطرات السحـاب الغزيـره
حق الخوي واجب علينا اجبـاري = لو طال بعده مـا نبيعـه بغيـره
واليوم هذي رغبتـي واختيـاري = عندي صداقتكـم مكاسـب كبيـره
مثلك يشرف واتشـرف وامـاري = في معرفتكم يالسيـوف الشطيـره
حيثك لراع الطيب والطيب شـاري = وربعك لهم في صفحة المجد سيره
ياالعازمي يكفيك شـر الجـواري = لاتشتكي من جور وقتـك وغيـره
كانك شكيـت ايامنـا والغـداري = اخـوك لوعاتـه بقلبـه وفـيـره
صحيح قام الوقـت فينـا يثـاري = والكل منا صـار يجهـل مصيـره
نوبا على ذيك السباع الضـواري = ونوبا على صفوة عيال الجزيـره
والنذل (تكرم) دام عنده مصـاري = يقدر يسـوي مائـده مستديـره!!
لاكن انـا قـررت واقبـل قـراري = نصبر عليها عل بالصبـر خيـره
وسلاماً احلى من حليب البكـاري = مني يابن حطاب جعلـك ذخيـره
واقبل تحيـة واحتـرام الشـراري = يوم انطلق سبق الربيط وجريـره
** قصيده بيني وبين الشاعر :
(( سلطان 11 ))
الصوت : سلطان 11
لـــ (( بن حطاب )) أبرسله سلامي = ألا يامرحبا يابن الكرامي
سلام الله عليكم ياصديقي = سلام ٍمن ضميري جاك حامي
أبنشد عن علومك وآتحري = عساك بخير ياعالي المقامي
أنا جيت أستشيرك ياعشيري = أبشرحلك وأوضحلك كلامي
سحرني شوفت البنت الجميله = ذبحني زولها وحسن القوامي
عليها وجه يسحر من يشوفه = وعليها ريحة ٍ مثل الخزامي
شعرها ناعم أوبالخد شامه = جعل من لامني فيها يلامي
تشك إبزينها إنه خليجي = تقل مخلوط لبناني وشامي
إلا من طيفها جاني ينور = خيالي وينتهي كل الظلامي
غلاها زايد ٍ فيني وملكني = سكن مابين لحمي والعضامي
وأبيلي رد يا (( خالد )) دخيلك = أنا مدري بنفسي وش علامي
(( إبن حطاب )) مابه شك شاعر = وأنا شعري على صدري وسامي
وهذا كل ماعندي وفيني = سلام ٍ يوصلك قبل الختامي
الصدى : خالد بن حطاب
هلا يا مرحبا يابن الحشامي = عدد مايسجع بغصنٍ حمامي
سلام الله من قلبٍ مودٍ = سلامٍ من ضميري بإلتزامي
أنا في خير وأحوالي سعيده = رويت من الهوى ولاني بضامي
ونفسي عن طريق الحب عافت = ولالي بالهوى شف وهيامي
تسند لي ولابينت إسمك = تسند لي وانا اجزيك احترامي
شكيت الحب من شوف الجميله = عينك ما اهتنت إمن المنامي
ولعك إمن الهوى أثر بحالك = صويبٍ دون مايرميك رامي
وأنا مالوم من قلبه هواوي = ولا أعاتب ولا زيد إتهامي
أنا بنصحك كان النصح تقبل = نصيحه والعمر تاليه خامي
تسمع لي وخل القلب واعي = طريق الحب فيه الشك حامي
دوِّر من تغطيها العبايه = وكل الوجه يستره اللثامي
ولاتسمح لشخص انه يناظر = محاسن جسمها يوم الزحامي
ختام القول اسمحلي وسامح = بردي وأقبله بأزكى سلامي