يهتز قلبٍ عذبه كثرة الشوق
لامن طرى منهو له القلب يشتاق
والشوق بقلوب المحبين له ذوق
ولا يجهله إلا عديمين الأشواق
والحب فطرة بالضماير وموثوق
سنة حياةٍ تشبه لشمس الاشراق
و لا يابعد منهو له القلب في شوق
لا تاخذك عني هواجيس الفراق
حلفتلك باللي جعل شانكم فوق
بين الحنايا والحنايا لك رواق
انك سكنت القلب والقلب صندوق
مغلق عن العذال مع كل دّراق
وعلى العهد مازلت والقلب محروق
و إلـ شوفتك مشتاق يامدمج الساق
ومادام قالوا كل مطرود ملحوق
نصبر ولو القلب للصبر ماطاق