عسى السحاب اللي بروقه من شمال ومن جنوب
فوق الدياراللي ماجاها الغيث وبل امطارها
عساه يسقي كل عرقن حي ويغسل القلوب
يغسل قلوبن من حسدها ماتسيل اديارها
الشجره اللي من ثمان اسنين في شمس وهبوب
اعروقها جفت وزاد من الدهور اغبارها
يا الله عفوك يا لطيف انى غرقنا من الذنوب
اغفر لنا كل الذنوب اصغارها وكبارها
يخطي بن ادم ثم قال أكبر عن اخطائي وتوب
امارتن بالسوء نفسه والخطايا اشعارها
هذا زمان العولمه فيه أكثر الغث امحبوب
على الهواء ومباشره كل الدول وأخبارها
هذا زمان اهل التطرف والمشاكل والحروب
هذا زمان اللي يحب من الدروب ايسارها
هذا زمان اهل الكهانه مع مروجت الحبوب
هذا زمان اللي يصدر للعباد اضرارها
يا الآدمي مالك عن الواقع ملاذ ولا هروب
لا تغرك العالم يكثر أقوالها وشوارها
ان كان لك دعوى بقت ما بين غالب ومغلوب
كرر لحتى تنفهم دعواك من تكرارها
والعيب ما يعلم به الا الله علام الغيوب
خذها نصيحه بالدليل اللي على مصدارها
عندي تجارب سابقه وميز أنواع الدروب
وإذا استشرت النفس أخذت من الجزال اخيارها
انا تراني كد مشيت من الشروق إلى الغروب
دوجت في سبع الاراضي برها وبحارها
احيان ادور لي ذهوب ونوب اسج ابلا ذهوب
ارقاء على القمه والأرض اشوف كل اشجارها
ارقاء الجبال اللي ماترقاها التكاسي والجيوب
ابعد عن الضوضاء وزحمات المدن ونوارها
اطاء على رأس الحنش وسري لو النور امحجوب
والحيه ام الغار اولع نار داخل غارها
قد ذقت من طعم المراره كوب والي عكس كوب
هي هكذا الدنيا حلاها بعد ذوق امرارها
شين يذوب وشي لو داخل جهنم مايذوب
من يعرف العمله يميز بالمحيط اسعارها
اجموع قامت تحتضر من كل حدب وكل صوب
نويت اعدلها وبدلها وطفي نارها
سحوب حازت مايقال الا سحوب الا سحوب
ميزتها بالرحله اللي منتهى مشوارها
مسعى وراء علوم السفيه أينوب والا ماينوب
يلقى اشبهاه اللي تحفظ اطوالها وقصارها
والله ماداني هل النمه ولاحب الكذوب
كل الاوادم ياجب اتقدرحسب مقدارها
ماني على راع الخطاء مع ضايع الشور امغصوب
اخاوي ارجالن لياضاقت طوال اشبارها
واخذ كلام الي ليامنه نطق هرج المحسوب
تفطن له العالم بكل اسماعها ونضارها
احدن يناضر للعلا وحدن على نفسه لعوب
الناس دايم تختلف باحلامها وأفكارها
والكامل الله والاوادم كلها اخطاء مع عيوب
هذا بكتاب الي عليم ابجهرها وسرارها
الله بكتابه ذكر خلقه قبايل مع شعوب
والفرق في تقوى الله الي عالمن بعمارها