ياخوي قبل العصر والشمس حيه=
أقبل وصاتي ياعسى الله يهديك
كانك تبي راحه وعيشه هنيه=
أحفظ صلاتك والله اللي يجازيك
وأحفظ لسانك عن كلام البذيه=
والصمت في بعض المواقف يحليك
وأبعد عن أصحاب النفوس الرديه=
اللي ليا قفيت عنهم حكوا فيك
وبالوالدين أوصيك صبح وعشيه=
وقل سم لامن شفت أحدهم يناديك
وأحسب حساب لكل روحه وجيه=
وترى الصدق في كل الأحيان ينجيك
وأحرص على اللي كل همه خويه=
اللي على درب المراجل يخاويك
والضيف لامن جاك رحب وحيه=
وجنب عن دروب الرخوم الصعاليك
وأنا ليا من ضقت نذرن عليه=
إني لبيع الروح لرضاك وأفديك
ياخوي دنيان تراها دنيه=
اللي يبيك اليوم بكره يجافيك
جتك الوصيه وأعتبرها هديه=
أقبل وصات اللي يعزك ويغليك
والخاتمه مادام هالشمس حيه=
أقبل وصاتي ياعسى الله يهديك