تكفون قوموا صوتوا ياهل الطيب=
يالابتي مرزوق لا تتركونه
أثنين مع عشرين رقمه ولانيب=
ناسيه وأنتم واجب(ن)تدعمونه
نبيه يرقى فوق روس المراقيب=
وجميع شاعر جعله يصير دونه
نبي نحقق له جميع المطاليب=
وبرسالكم ياربعنا ترفعونه
وقفاتكم والله خير المكاسيب=
وبمساعدتكم للعلا توصلونه
أبو علي يسلم من النقص والعيب=
في وسط ميدان الشعر تعرفونه
شاعر ولا منه غزا لازم يجيب=
من طيب الأفكار ينقى لحونه
ويرتب المعنى بالأبيات ترتيب=
وإليا كتب بانت بشعره فنونه
عساه يسلم من جميع العذرايب=
وعسى الولي من شر خلقه يصونه
والخاتمه فزعاتكم ياهل الطيب=
خويكم مرزوق لا تخذلونه