مني سلامن مرسله عبر الأقمار
يوصل لبو علي أبراهيم العسيري
سلام ياإبراهيم وإن صار ماصار
تبقى صديقن لي وتبقى شويري
لك في وسط قلبي معزه ومقدار
وقدرك بقلبي والله إنه كبيري
ونعم الخوي والله يانسل الأحرار
كل الوصوف إليا ذكرت تحيري
من عقب ماكنا سوى وقتنا دار
ولابد دورات الزمن تستديري
رحت لجنوب المملكه والزمن جار
وقعدت أنا حول الحفر والصفيري
محلاك ياعرعر عسى وبل الأمطار
يسقي مناطقها بحزة عصيري
وإلا إنت ياإبراهيم ياالصاحب البار
ماأنساك والله لو زماني يجيري
يحميك رب الكون من كل الأخطار
عساك في صحه ودايم بخيري