سلام ياأهل المنتدى دون تحديد........مادام حل العيد جينا نعايد
آمين جعل أيامكم كلها عيد .........وعسى الفرح لقلوبكم دوم عايد
حبيت أشارك ربعنا فرحة العيد ......وعني نيابه جت بيوت القصايد
جتكم تزف أحلى الجمل والتغاريد........عساه بالخيرات يارب عايد
من شاعر دايم يحفظ المواعيد........جتكم بيوت الشعر جمع وفرايد
أبيات شعره دوم ماتعرف القيد.........لأحتاجها تلفيه من دون قايد
يارب تحفظ دين الإسلام وتزيد..........بالمسلمين إيمانهم بالعقايد
وجعل إجتماعات العرب دايم تفيد.........ويلتم شمل المسلمين البعايد
عشرة أبيات قلتها بأول العيد........ولاجيت أدور من وراها فوايد
وختامها يأصحابنا ياالأجاويد.........بالعيد جينا ياجماعه نعايد