السلام عليكم ورحمة الله وبركاته
ابيات للتواصل وأتمنى لها القبول و نعتذر عن الغيابياصاحبي فاجئتني بإتصالك
عقب إنقطاعك ماتوقعتك تعود
كنت أحسبك روحت عني بفالك
وأصبحت أعدك شخص غايب ومفقود
عقب الغياب أقولك كيف حالك
يامرحبا بك عد ماهبت النود
تعال خبرني وش اللي جرالك
من عقب ماقفتبك أيامك السود
ياهل ترى كيف المنام يهنالك
واللي توده صار ماهو بموجود
أو كيف ماتتعب ومرتاح بالك
يعني غيابك كان واضح ومقصود
من أول كنت أتلهف وصالك
وأفرح ليامنه وصل منك مردود
واليوم صرت تقول مالي ومالك
وعرضتني درب خطيرن ومسدود
ومن عقب ماقطعت عني حبالك
رح في دروبك علها سهود ومهود
لاتنخدع مادام وقتك صفالك
بكره عقب فزتك يرميك مهدود
تبي الصحيح أزعجتني بإتصالك
عقب أنقطاعك جيت لاجيت بالفود