ياهواجيس الشعر لي بك لزومي=لازمي مدح الذي فاق المدايح
نجيبله دره ونسبحله نعومي=ونسوقله فنجالها والهيل فايح
في مدح منهو نظرته لذيك النجومي=صيرمياً للعلا والمجد رايح
ناوياً عذرا تهدفها القرومي=عاشقاً بنتاً عليها الدم سايح
سارياً من الكويت مع العزومي=وكلمة التوحيد في وسط اللوايح
والرجال اللي معه ضد الخصومي=يم قصر الحكم ناويله وشايح
عبد العزيز ابن سعود إللي يهومي=هايماً بطاعة الله والنصايح
يبغى يزيل الجاهليه والصنومي=واشهد إن معزي قادرله وزايح
مايخاف ألا من الرب الرحومي=وعزته تقواه ورجالاً فلايح
لين قال ابن رشيد اليوم يومي=والحكم لبن سعود الكل صايح
ماجته في عز نومه والحلومي=ألا بضرباً يودع الرجال طايح
يوحد بسم الله على نهج وسلومي=من شمال وشرق وغرباً له فتايح
ومن جنوباً له فتح حد ورسومي=لين حد حدودنا وحنا شرايح
موحدها ألا محارب قوم قومي=ومجمعها ألا على دين وصلايح
كفنا من الفتن ومن الظلومي=سلباً ونهباً وغزوات وطرايح
لين صرنا شعب مايرضى القسومي=معاهدينه بالولاء عهد وصرايح
وصرنا بأمناً والبلاد النا محكومي=وانفتح خيراً وجانا كل سايح
يالله عسى قبره تساقيه الغيومي=يهل ودانه من مزوناً روايح
ويا الله عساه بجنة الخلد بنعومي=يامن بأمرك الرعد والبرق لايح
التوقيع - عيد مشعل
راح العمر كله وأنا أبدع قصايد=وسنين عمري كلها في قصيده