قالوا الناس من سمى النصايح منايـح=أشهدنه قليل الهـرج هـذا صحيحـه
لو نصحنا القلوب من الخطا والفضايح=تقتنع..! مير بعض الناس تزعل قريحه
مرضي الناس كايـد والاوادم شرايـح=ماتساوا اليدين المكرمـه والشحيحـه
والا أنا ودي أنصح مير بعض النصايح=ماتفيـد الوجيـه الـوادره والقبيحـه
أكثر الناس عذروبه كثيـر السرايـح=أن عقلته مصيبه وأن تركته فضيحـه
مثل قشن ليا جمعـت عفشـه تطايـح=لايفيـده أربـاط ولاتفيـده صفيحـه
لو تعديت زوله قال وين أنـت رايـح=يوصلك من غياب الكلب الاجرب نبيحه
يقطـع الله رجاكـم ياكـلاب البرايـح=عن الغاكم سلمت ولاشكيت الجريحـه
معتلي حظ في الدنيـا ولانيـب طايـح=ولي مع أهل الوفاء عز ومقام وشريحه
ودامني في معـزة كاسبيـن المدايـح=ماشكيت أهتمام أقيامكم مـن مطيحـه