أنـا كـل ماهبـت هبـوب الشمـال أفــوع=ولا دري متـى تجبـر عــزاي الشمالـيـه
وعدها شهر واليوم في الشهر أخير أسبـوع=بقـى بـس يـوم وينقضـي وعدهـا لـيّـه
قضيت الشهر لاكـن قضيتـه بسقـم وجـوع=علـيّ الحـرام أنـي علـى نـاري الحـيـه
لياجيـت ابرقـد واهتنـي والرقـود هجـوع=عـذاب الضمايـر فـي الحشـا غيّـر النيـه
سهرت أمس مع قبل أمس واليوم سهري طوع=تأقلمـت مـع ذاك السهـر لارحــم حـيـه
وأنا عقبها ناحـل جسـد والضلـوع ضلـوع=هشيمـن ذبحهـا البعـد وأحزانهـا الـديـه
وأظن الضلـوع تلامـس الهيكـل الممـزوع=تداحـم علـى المعلـوق مـن غيـر ماويـه
ونفسـن بلاهـا بالخفـى تقتنـب وتــروع=كمـا روع ريـمـن ذعّــروه الشـواويـه
معي في الحشا وعلاجها مثـل حـب الكـوع=أحـس بمرضهـا : يمبـش الساكنـه فـيّـه
هي أكبر صوابي والدليـل الرجـاء المقطـوع=تنومـس وتلعـب بالحشـا طــاق طاقـيـه
والا ياوجودي وجد من طـاح فـي الممنـوع=معـه حملتـن وسـط الدوالـيـب مخفـيـه
دروا عن علومه شرطـة الخفجـي المتبـوع=وجـاه الخبـر قبـل الـحـدود السعـوديـه
قطع هقوته فـي دروب حمـا يبـا المنـزوع=علـى مـوتـرن ماسـاومـوه الشريطـيـه
جديد البدي سوبـر سفـاري بديـع النـوع=قـوي الحـذر وسواقتـه تعـقـب المـيـه
تعدا الزبـور وبلغـوا عنـه فـي المشـروع=والأمــن أستعـدولـه شـمـال النعيـريـه
وبعد سج وأرخى في مسيره وأخـذ قرطـوع=وصابـوه فـي رمــي الـزجـاج الامامـيـه
وجاه القضـاء واقفـوا ورى جثتـه بـدروع=وسجـل سبـب موتـه خلافـات شرعـيـه
وأنا لي شرايد فكر مـن كـل صنـف ونـوع=تجينـي مـع الهاجـوس مـن غيـر قافيـه
يجـي ناتـج الهاجـوس بيتيـن والمجمـوع=ثلاثـيـن والا دون والا أكـثـر شـويــه
لـو أوزّع الناتـج يزيـد الثمـان أوجــوع=على العشر يبقى عشـر وأعـداد رمزيـه !
ضبرت العدد مـرة وأخـذت العـدد مربـوع=وجمّعـت مـنـه أســم الهـنـوف ال000
كتمت العدد والاسـم فـي خاطـري مطبـوع=ثلاثـة حـروف وعكـس الاسـم النـداويـه
وإذا ماتناسـت عهدهـا والنـدى مسـمـوع=علـى الــود كملـنـا الـغـرام بمعانـيّـه
وإذا قد تناست وعدهـا وانقضـى الاسبـوع=على السهـد حدتنـي علـى نـاري الحيـه