ماغيرك أحـدٍ حدنـي عـن منامـي=والله يالـولاك مافـاخـت الـنـوم
عليـك أجـاوب نايحـات الحمامـي=وأنعت كما صفرا زمت دونها القـوم
فكوا رسنها في الوغـا والجهامـي=منها يطيح مروض الخيـل ويقـوم
بعذارهـا قامـت تـدور الخيـامـي=وصاحت لها العيله من الذعر والشوم
وتناتقت بنـت الشيـوخ اللجامـي=وجاها عقب ماثارت الخيـل زيـزوم
غالـن ثمنهـا عندهـم لوتسامـي=وأتلا سلالتها خذاهـا بـن مكتـوم
وياوجد حالـي وجـد ذاك الغلامـي=اللي علـى حقـه مشـرد ومهـزوم
عالوا على حقـه عيـال الحرامـي=وخذولهم من ذبحة الشيـخ مقسـوم
غاروا على جنبّيتـه فـي الظلامـي=وعند الفراش أبلوبها راس مظلـوم
والصبح كد حطوا عليـه الحزامـي=وحكم عليه الشرع فـي دم مرحـوم
وقال أعقبوه بميسـم النـار حامـي=وأكووا لسانه كيّة الفـرس والـروم
وتبايحـوا دمـه عسـاه الرحامـي=ومن يذبحه في الشرع ماهوب ملزوم
وانا علـى هـذا خذيـت انسجامـي=وأبتديت لي من وصفها عرف وعلوم
ضايع وضيعنـي معـاك اللتزامـي=سلمت لـك قلبـن مولـع ومهيـوم
قلبـن عروقـه غادياتـن ضوامـي=أودعت فيه أجراح واحزان وهمـوم
واليوم تنشد وش سبايـب هيامـي=من عقب ماصار الوفا منـك معـدوم
بلاك ماتـدري معـك وش علامـي=ولانته سواتي من حلا النوم محروم
مافيه غيـرك حدنـي عـن منامـي=والله يالـولاك مافـاخـت الـنـوم