الايام ماتصفـي وهـذا مرامهـا=مع المبتلي دايـم تغيّـر نظامهـا
عليّ الليالي ساقت الهـم والعنـا=أقوله ولادري مع عيوني علامهـا
أنا كل ماحاولت أبغـض طرفهـا=تجيها طواريها وتسحـب منامهـا
طواريك ياحارم عيوني من الكرا=نديم العيون وسهدها وأنسجامهـا
ليا جاء ظلام الليل والناس رقدت=عليك الهواجس ركبتنـي سنامهـا
أسامر دجى ليلك وأخايل كواكبـه=وأعد النجوم الساريه في ظلامهـا
مقادير وأدركت المقادير في الزمن=صدوف الليال السود هذا دوامهـا