والله وجابوا لي مع الوقت طاريـك==مل الصبر وأنا اتحرى أتصالـك
ما ذكرونـي فيـك مانـي بناسيـك==دربك سلام ودرب غيرك مهالك
وأن كان صدك يا فتى الجود يغنيك==يغنيك عنا يا فتـى حـر مالـك
لا تنصدم ويلاحظك مـن حواليـك==هذا جوابي كـان هـذا سؤالـك
وشلون تنساني و أنا أول مصافيـك==والا بعد ما غبت جوك صفالـك
وشلون ابيعك صبح والليل شاريـك==وأنا شريتك مير غيري شرالـك
واللي هرج لك عند غيرك هرج فيك==يعني هدم بيته بعد ما بنـا لـك
وأنا ودمعـات المحبـه وماضيـك==نبكي على الفرقا ونرجي وصالك
أكثرت يا زين الوصايـف تغليـك==وصديت ماتدري جميع الغلا لك
شف وين وداك الجفـا لـو يحييـك==شف وين راح اللي من الشوق جالك
راح وتبع دربك وضيـع خطاويـك==شافك بعيد وطال هجرك وطالك
ومن طال وعيونه من البعد تبكيـك==غمض وطاح الدمع يا طول بالك
فتح عيونه شـوق قصـده يحاكيـك==ويوم انتبه واثره يحاكي خيالـك
وأقفى يبي وصلك وصوته يناديـك==وهو مع اسراب المحبه عنا لـك
يا قو قلبك يوم بالصـوت يدعيـك==وتقول له يا هيه مالـي ومالـك
رجيت مير اليوم خاب الرجا فيـك==ما غرك العذال غـرك جمالـك
رح لاتجي يعني نسيتـك ولا ابيـك==ما دام مع غيري زمانك صفالك