قصيدة معبّرة ومؤثّرة ذات حسٍ وشجون، وهي من أجمل ما قرأت ومن أصدق ما قيل..
عشقت القمر حيث القمر ينبعث به نور = واخص الليالي البيض تزها ويزهنه
واحب الهوى لاهب من خايع ممطور =وريح النفل حيث النفل طيب الخنه
واحب الجماله والجماله عمل مبرور =واحب الغناه وعز نفسي عن المنه
واحب الصراحه والصراحه بها مسرور = حيث ان الصراحه تقطع الشك والظنه
واحب الكريم اللي يفرج عن المعسور =اليا من عطى حتى اهله ما دروا عنه
احب الرجال العارفه واكره المغرور = من اغتر في بعض المظاهر يغرنه
سقا الله ليال ماضيه قبل هدم السور = نحفر العدود ونشرب الماء من الشنه
نشوف البنات اليا اوردن كنهنّ الحور= مهارٍ مشاويلٍ بالاعياد معتنه
على الماء تشوف بيوتهم كنهنّ القور = كثير القبايل تقطن العد بالكنه
على البال ذكراها ياليت الليال تدور=ياليت الليالي ماخذنه يجيبنه
تذكرت شيبانٍ لنا يوم حنا بزور=يحثوننا بالطيب والفرض والسنه
لوعاشوا حياة قاسيه في بحر وبرور=عسى الله يعوضهم بمافات بالجنه
لو دورن مضى من بينهم وين ذاك الدور=زمانٍ مضى له ذكريات يحلنه
يوم ان الذهب ما يلبسونه بدون خصور=جمال النسا ماهو من السوق يشرنه
فقدنا حياة البدو مع شوفة المظهور=ولا عاد به بدو ولا الطرش له حنه
من أجمل ما قرأت للشاعر الكبير// سليمان الهويدي
( تقرير عن مشاركة مخالفة ) ، و الموجودة أسفل كل مشاركة .