قالوا وش اللي في حبيبك يحليـه=قلت الدلع قالوا : بعد قلت طيبـه
قالوا حلو قلـت الحـلا مايخليـه=كل الحلا والذوق جاء من نصيبه
قالوا تشوفه قلت وينه وأنا أجيـه=ياعنك دار الزين ماهـي قريبـه
تصعب عليّ شوفة دياره وأراضيه=ومثلي يموت من الهوى مادريبه
قالوا تنام الليـل قلـت بطواريـه=أفرح بهاجـوسٍ خيالـه يجيبـه
أشكي على طيفه من البعد وأبكيه=وأخاف لايكثـر علـي المغيبـه
قالوا تحبه قلـت يالايمـي فيـه=حبه سكن وسط الضلوع العطيبـه
ما أسمع على حبه كثير المشاريه=لو بان في راسي من الوقت شيبه
أبيع ذاك وذاك وأروح وأشريـه=وأن ضاقت الدنيا عليّ اعتزيبـه
قالوا يحبك : قلت قدامهم إيه 00!=وأنا أدري أنه مادرى عن حبيبه