قالت أكتب على النهج الجديد وتطـوّر=خل نهج البـداوة والعصـور القديمـه
فيه يالملعبي تطويـر وأنـت متهـوّر=بس تكتب على الماضي وتصوير ضيمه
ودي أسمع لك الشعر الجديد المصـوّر=بالحدث والجمال اللي عسى الله يديمـه
أنت شاعر وأنا لي حول عاميـن أدوّر=مثل شعرك وتركيب البيـوت العظيمـه
قلت من طاح في نهج الحداثـه تعـوّر=وين أبوصف حلايا مي وعيون ريمـه
فرق مابين نصـف الدائـره والمـدوّر=ناقص الوصف ماله في التواصيف قيمه
أتبعي شاعر غيـري عجاجـه مثـوّر=في الحداثه وقولي له يوصـف حليمـه
أما أنا لاتقولـي لـي خيالـك مغـوّر=من دخل في بحور الشعر يعرف غريمه
أعرف الزور وأعرف الخطا والمـزّور=وأعرف الشعر ويجيني بليـا عزيمـه
أن كتبته حـدا جانـي خيالـه منـوّر=وأن كتبته على المسحوب جاني حشيمه
البـداوة بدربـي لـو بغيـت اتطـوّر=وكان درب الحداثة عكس مافيه شيمـه