مضنـون عينـي تجيـب المـوت ضحكـاتـه=وأنا دخيلة وأمـوت بنظـرة عيونـه
يكسـر بعينـة هـدب عينـي بنظراتـه=لاطالعتنـي عيونـة طحـت مـن دونــه
والقلـب لامـن طـروه تزيـد دقاتـه=والوجـه لامـر دنـق وأختلـف لونـه
ياحلـو جسمـة وملبـوسـة وبـدلاتـه=ومحلا الكعب لابـدا يمشـي علـى هونـه
ليـان غصـن العنـب لاثـار ميـلاتـه=وقامت هبوب الشمال تداعـب غصونـه
دليـل قلبـن عشـق لامــاه ضيقـاتـه=تـزيـد لاقـامـوا الـجـلاس يطـرونـه
عندي طواريـه تسبـق صـوت خطواتـه=لاجاء عسى اللة يكون القلب في عونه
واليا جلس ضعـت بيـن الخـد وشفاتـه=مغيـر أغـازل شفـاه وضحكـة سنونـه
واليا تكلـم تقـول النـاي نبراتـة=كلامـه اليـا حكالـك تسمـع لحـونـه
بـس أسمعـة وأتركـة يحكـي حكاياتـه=أنصـت مـع هرجـة لابــاح مكنـونـه
مانـي معـة فـي الحكـي لاكنـي بذاتـه=كني معـة فـي الحشـا وأكافـح طعونـه
من كثر ماغليه حلفـي صـار بحياتـه=مخلوق بـس أتبعـة وأرضيـه وأصونـه
لـو زل فـي عشـرتـي سامـحـت زلاتــه=ليش أن روحي بروحـة شبـه مقرونـه
سلـك الغـلا بينـي وبينـة علاقـاتـه=فـي مهجتـة سـرة الشريـان مدفونـه
أضيـق مـن غيبـة وأكـثـر بجيـاتـه=عليـه نفسـي تقـل يانـاس مجنـونـه
وأنا أحسد اللـي عليـه تحـل طلاتـه=أغـار وأغتـل مـن نـاسـن يمـرونـه
خايف يروحـون بـة وتطـول غيباتـه=وتثـور حالـن علـى لامـاه مرهونـه
جعلـي فـدا ضحكتـة لازاد بسمـاتـه=وعواذلي فيه يا أهل العرف يفدونـه